O Náutico de Pontecesures acude a competicións esta fin de semana.

Publicado por Luis Angel Sabariz Rolán en

Dobre cita do piragüismo arousán en Lugo, en ríos e en promoción
Imprimir Volver Fin de semana axetreado o que teñen por diante os equipos arousáns de piragüismo, cunha dobre cita en augas de Lugo. A primeira delas, a edición 53 do Descenso do Miño de Lugo, esta tarde a partir das cinco, con trece modalidades en lid de categorías cadete, xuvenil e sénior. Todas elas individuais agás os K-2 masculinos.
O Náutico O Muíño, cunha presenza testemuñal, o Piragüismo Cambados e o Náutico Pontecesures compiten xunto co As Torres-Romaría Vikinga, que con 17 embarcacións inscritas loitará por desbancar o Kaiak Tudense do alto da clasificación da Copa Galega de Ríos. O equipo sureño aventaxa en 2 puntos o catoirense logo de gañar a única proba do calendario disputada ata agora, en Portonovo.
Mañá pola mañá, os sete equipos do Salnés e do Baixo Ulla citaránse, de novo en Lugo, na terceira regata da Copa Galega de Promoción, que será tamén a segunda proba zonal da Copa de España da especialidade. A proba cobra especial relevancia para os padexeiros do Piragüismo A Illa e das Torres. Os primeiros figuran empatados a 138 puntos á fronte da clasificación autonómica co Náutico Firrete, e os catoirenses igualados xusto por detrás co Unión BRT a 130.

LA VOZ DE GALICIA, 16/05/09


0 comentarios

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.