Poucas incidencias en Pontecesures na noite de temporal.

Varios contedores de lixo movéronse polas estradas por mor do vento, e foron recolocados por persoal de Protección Civil e do Concello.
Tamén persoal do concello retirou dous pinos caídos. Un na estrada de Grobas dende a estrada autonómica Pontecesures-Baloira e outro na pista que vai a Fenteira. Tamén retirouse a parte caída dunha árbore situada fronte ao Centro Médico (no noiro do paseo verde).
Protección Civil tivo que actuar ás 3:25 da mañá nunha vivenda unifamililar da rúa Doutor Mosquera por rotura dunha fiestra de considerables dimensións. O operativo rematou ás 5:23 minutos.