Dende o domingo, 14 de agosto, ata o día de onte, estivo a funcionar con notables deficiencias o alumeado desta ponte e tamén dos puntos de luz máis próximos á mesma, na rúa José Novo Núñez de Pontecesures. De todas as luminarias existentes na ponte tan só funcionaben catro ou cinco co conseguinte perigo para vehículos e peóns.
A deficiencia tivo unha incidencia especialmente negativa nas noites dos días 15 e 16 de agosto con verbenas que se celebraron precisamente no lugar de A Ponte (Padrón). As numerosas persoas que cruzaron neses días a ponte tiveron que facelo case na penumbra con incomodidades para todos.