Portos de Galicia reforzará a seguridade viaria na zona portuaria de Pontecesures.

Portos de Galicia e o Concello de Pontecesures traballarán de xeito coordinado no reforzo da seguridade da zona portuaria. Así o acordaron o pasado 16 de setembroo presidente do ente público, José Juan Durán; o alcalde, Manuel Luis Álvarez Angueira, e o primeiro tenente de alcalde, Ángel Souto Cordo, nun encontro no que afondaron das principais necesidades das instalacións portuarias cesureñas, segundo informou onte o propio Souto, responsable tamén da Concellería de Obras e Urbanismo.
A mellora das condicións de seguridade centraranse en principio na rede viaria. Así estudaranse porpostas de reforma como a instalación de pasos de peóns con elevación sobre a estrada. Asi mesmo, Portos de Galicia confirmou que estudará a viabilidade das propostas concretas de actuación que o Concello lle vaia trasladando.
Finalmente, Portos de Galicia comprometeuse a revisar o estado de conservación da zona portuaria. Os técnicos do ente público visitarán a zona e definirán as medidas e as posibles necesidades para mellorar as condicións dos usuarios do porto. Do ambicioso proxecto para remodelar integramente a zona non se falou nada.

DIARIO DE PONTEVEDRA, 23/09/11