Os «Irmandiños» pretenden crear un grupo de traballo na comarca. Mañá estará Beiras en Caldas

Encontro Irmandiño inicia a súa andaina en Caldas de Reis uns días despois de que os integrantes desta corrente abandoarán as ringleiras do BNG local. Mañá celebrarase no Auditorio Municipal de Caldas unha asemblea aberta a toda a cidadanía caldense na que estará presente o voceiro nacional, Xosé Manuel Beiras. O acto comezará ás 12:30 horas e pode acodir quen o desexe.
A isto engádense os traballos que comezaron onte varios membros de Encontro Irmandiño na comarca, que mantiveron unha xuntanza con persoal da coordinadora nacional cara a crear un grupo de traballo estable na zona de Caldas e concellos próximos.