Texto da moción da ACP sobre a supresión da extra aos concelleiros con exclusiva.
O pleno de Pontecesures aprobou en xullo de 2011, cos votos do goberno local, tres dedicacións exclusivas para os tres tenentes de alcaldes do concello que ocupan Ángel Manuel Souto Cordo (TeGa), Cecilia Tarela Barreiro (BNG) e Roque Luis Araújo Rey (PSOE). Fixouse así unha retribución por cinco horas de traballo diario de 1.300 euros mensuais, para cada un deles, con doce mensualidades e dúas pagas extraordinarias, cun custo anual total para o concello polas tres dedicacións de 56.400 euros (1.300x3x14) ao que hai que engadir a cota patronal da seguridade social.
Como de todos é coñecido, o Real Decreto Lei 20/2012, de 13 de xullo de medidas para garantir a estabilidade orzamentaria e do fomento da competitividade suprimiu a paga extraordinaria de decembro de 2012 para todo o persoal do sector público, entendendo que os cargos corporativos retribuídos que temos no concello non deben quedar á marxe da medida por razóns obvias. A austeridade da que se fala debe ser para todos, tendo en conta, ademais que a ACP sempre considerou disparatado que haxa tres dedicacións exclusivas no Concello de Pontecesures (a metade do equipo de goberno).
Polo exposto, proponse ao pleno da Corporación a adopción do seguinte acordo:
1. Suprimir a paga extraordinaria de decembro de 2012 de 1.300 euros aos tres tenentes de alcalde do concello de xeito que perciban en dito mes a cantidade de 1.300 euros da mensualidade, pero non a dos outros 1.300 euros da paga extraordinaria.
2. Que se regularicen as cifras das bases mensuais de cotización rateadas, tendo en conta a supresión de dita paga extraordinaria de decembro de 2012.
Pontecesures, 16/07/12
Luis Ángel Sabariz Rolán
1 comentario
outro · 17-07-2012 a las 17:15
Paréceme moi ben o solicitado no apartado 1. Polo que respeta ó apartado 2, diría que está absolutamente fora de lugar, xa que de aprobarse o primeiro, o segundo sería consecuencia directa de aquel.
E paréceme moi ben que o Concello, tal como se di noutra entrada, xa se anticipara adoptando tal medida, eso é indicador dunha certa «cintura» política. O que xa non entendo tanto é por qué se arremete contra Sabariz polo simple feito de solicitalo sen preguntar antes. El solicita, o equipo de goberno di que xa está feito e non vexo motivo para para tal cabreo. ? simplemente a miña opinión.