Un traballador ferido no patio escolar do CPI Pontecesures esta mañá.

O obreiro J.J.S.M., contratado pola Deputación, pero realizando traballos para o Concello de Pontecesures, ía realizar traballos na cuberta do cuarto da caldeira do CPI Pontecesures baixo a dirección dun encargado de obras do concello. Subía nunha escaleira plegable sobre ás 9 horas deste luns, 1 de outubro, e caiu ao chan dende uns 2.5 metros aproximadamente, levando un golpe, ao parecer, nas costas. Foi evacuado en ambulancia a un centro sanitario.