RECIBIMENTO DE CAMILA MORISON NA CASA DO CONCELLO DE PONTECESURES.

Camila Morison, do Clube Náutico de Pontecesures que acadou a medalla de bronce nos Xogos Olímpicos da Xuventude celebrados recentemente na localidade chinesa de Nanjing, foi recibida o pasado xoves no Salon de Plenos da Casa do Concello de Pontecesures por membros do goberno local e da corporación municipal.

Camila acudíu a este acto acompañada dos seus pais, do seu entrenador e responsable do clube, Ángel Barreiro; e, como non, lucindo a súa flamante medalla de bronce. Neste acto, dun xeito moi distendido,  estiveron comentando polo miudo a experiencia vivida en China e a satisfacción polo éxito acadado.

Ao final do acto o Alcalde, Manuel Luís Álvarez Angueira, fixo entrega dun agasallo do concello a Camila, consistente nunha pala das mesmas características as utilizadas para este logro sen precedentes no noso pobo.