A ACP propón delegar na Deputación a inspección dunha taxa municipal.

Copia do escrito presentado no Concello de Pontecesures:

«»LUIS ÁNGEL SABARIZ ROLÁN, concelleiro da ACP Pontecesures considera que é moi favorable para os intereses municipais delegar na Deputación de Pontevedra as facultades de inspección da liquidación da taxa do 1,5% pola utilización do solo, subsolo ou voo das vías publicas municipais, a favor de empresas explotadoras de servizos de subministración, fundamentalmente de enerxía, que resulten de interese xeral, así como a emisión, recadación e revisión da liquidación derivada da inspección.

O noso concello ten en vigor dita taxa que pagan as empresas subminstradoras de gas, enerxía eléctrica e outros servizos. Abonan en concepto de taxa o 1,5 % da súa facturación. Como o estudo e cómputo desta facturación é comprexo na actualidade, con múltiples operadores no mercado nestes servizos, e convinte delegar as tarefas de inspección na Deputación Provincial de Pontevedra.

Para a economía do concello é moi importante activar a inspección desta taxa a través da delegación pois o concello non dispón de medios para facelo. Das cantidades que se obteñan a maiores coa inspección débese aboar un 20% á Deputación pero todo o que quede para a facenda municipal sempre é fundamental para incrementar os recursos locais.

Xúntase a documentación relativa á delegación coa modelaxe do acordo plenario que se debe adoptar.

Pontecesures, 23/04/15

Luis Ángel Sabariz Rolán
Concelleiro da ACP Pontecesures»»