O Náutico Pontecesures gaña a Copa de España de Jóvenes Promesas Infantil.

Publicado por Redacción en

A canteira do Náutico Pontecesures continúa coa súa excelente tempada, na que aspira a copar parte importante das principais clasificacións por equipos tanto a nivel autonómico coma estatal. Neste último eido, o pasado sábado o equipo do Baixo Ulla facíase co triunfo na clasificación final da Copa de España de Jóvenes Promesas Infantil sobre 3.000 metros, disputada no encoro zamorano de Villalcampo.

O N. Pontecesures sumou un total de 2.588 puntos, polos 2.316 do E.P. Cidade de Pontevedra, segundo, e cas Torres-Romaría Vikinga completando a presenza galega no Top-10 con 965.

A nivel de embarcacións, o club gañador contou con catro pratas. As de Lucía da Costa no K-1 B, Iria Romero en C-1 A, Rodrigo Abalo e Alfonso Álvarez en C-2 B, e Ayelen Rosende Di Battista e Iria Romero en C-2 A. Estas dúas últimas, por diante das padexeiras do Breogán do Grove e irmás Carme e Lola Cerviño Fraga.

Tras a Copa de España o Náutico Pontecesures e o As Torres-Romaría Vikinga presentaránse o 30 e 31 de xullo ao Campionato de España da categoría en disposición de pelexar o título na Liga Nacional de Jóvenes Promesas, ambos empatados no terceiro posto da clasificación provisional con 390 puntos. O Náutico Sevilla é líder con 396 e o C.P. Aranjuez segundo con 392.

La Voz de Galicia


0 comentarios

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.