Pontecesures reformará O Galiñeiro cos cartos dunha poxa de madeira

O Concello traballa con paisaxistas para fixar a nova imaxe dese espazo

Hai seis meses, en novembro do ano 2021, o goberno local do Concello de Pontecesures aprobou o Plan de Ordenación Forestal para o monte de utilidade pública desta vila. Nese documento se identificaban os aproveitamentos forestais e as claras a levar a cabo a medida que a produción de madeira acadase un determinado nivel. En virtude ao devandito plan, o pasado 10 de maio foi publicado no BOP un anuncio de poxa pública, mediante procedemento aberto, para o alleamento de aproveitamentos madeireiros no Monte Salgueiras, en Pontecesures, é dicir: sácase a licitación a poxa de madeira correspondente a unha superficie dun total de 22,62 hectáreas no monte municipal. Dita venda de madeira suporá uns ingresos para o concello que se destinarán a realizar melloras no entorno do Miradoiro do Galiñeiro e a zona da ETAP.

Nestes momentos, o equipo de goberno de Pontecesures xa está traballando no deseño e planificación, da man de profesionais do paisaxismo, das melloras que se van realizar no citado miradoiro. A intención é desenvolver un proxecto que converta ao monte Salgueiras nun referente a nivel autonómico en desenvolvemento sostible e nunha área de lecer con un importante valor paisaxístico e ecolóxico, ademais de nunha zona cun aproveitamento forestal racional e sostible.

Entrevista ao operador do antigo cine de Pontecesures, Horacio Castroagudín Magán.

A raíz de lermos na clase de galego un conto de Marcial Suárez titulado «O acomodador», no que se narraba a historia dun acomodador dun cine de Allariz que tiña que soportar as trasnadas dos rapaes, xurdiunos a curiosidade por saber algo do antigo cine de Pontecesures. Os nosos familaires miores contáronnos moitas veces que na rúa San Lois existía tempo atrás un cine chamado Colón, onde hoxe se sitúa un supermercado. Decidimos pescudar algo máis sobre este tema e soubemos que na nosa vila aínda vivía o operador daquel cine. Así, uns cantos de nós, fomos visitalo e fixémoslle unha entrevista. A experiencia resultou moi divertida, posto que D. José Horacio acolleunos con simpatía e hospitalidade no seu domicilio. Agora, con 84 anos, aínda se lembra de moitos datos e historias que a continuación reporducimos na entrevista.

Cantos anos traballou vostede no cine Colón de Pontecesures e cantos estivo en funcionamento?.

O cine Colón estivo aberto trinta anos e eu traballei nel como operador dezaoito, dende que tiña vinte anos.

Por que decidiron abrir un cine en Pontecesures?.

Porque daquela en Cesures aínda non había ningún cine e a xente ía aos das vilas de arredor, por exemplo a Padrón. Así que pensamos que, se abriamos un, podería ter éxito.

E foi rendible, realmente?.

Pois si que foi un bo negocio porque atraía a moitos espectadores.

Tiñan que pagar un aluguer ou o local era seu?.

Eramos dous socios os donos do local, o meu tío e mais eu.

Canto podían custar as entradas?.

Dependía da zona na que estivese o espectador, pois na zona máis próxima á pantalla as entradas custaban dez pesetas, mentres que as do galiñeiro eran as máis baratas, pois só custaban tres pesetas.

Canta salas había?.

Había dúas: unha na planta baixa, sobre todo para as sesións infantís, e outra na planta de arriba para os adultos.

Cal era a cpacidade do local do cine?.

Cabían unhas trescentas persoas.

Había algún acomodador?

Sí, había tres tanto para levar aos espectadores ata os asentos como para evitar conflitos.

Logo era frecuente que houbese ruído ou pelexas durante a proxección?.

Dentro non había grandes problemas, pero fóra si, incluso pelexas.

Había tenda para comprar lambetadas mentres se proxectaba a película?.

Diante do cine, na porta de entrada, estaban dúas mulleres vendendo lambetadas que levaban nunhas caixas de madeira penduradas ao pescozo. Era curioso que os caramelos que vendían tamén se chamaban «Colón».

Por certo, e por que lle puxeron o nome «Colón» ao cine?.

Pois porque o meu socio, que xa vos dixen que era o meu tío, viaxara moito á América e puxémoslle o nome na honra da persoa que descubriu ese continente.

Que tipo de películas acostumaban a proxectar no cine?.

Gustaban moito as películas de vaqueiros e tamén os dramas.

Guíábanse polas recomendacións da Igrexa para proxectar a película?.

Sí, había películas que só podían ver os espectadores de determinada idade, aconsellados pola autoridade eclesiástica.

E, por último, foi algunha vez un actor ou actriz coñecido daquela época?.

Sí, tivemos a sorte de acoller nunha sesión ao coñecido showman galego John Balan, ao que coñecera en América o meu tío.

Traballo de Jennifer Lorenzo, Esther Eitor, Álvaro Jamardo, José Jaime Castaño e demais alumnado de 1º de ESO.

VOCEIRO DO PINO MANSO EDITADO POLO C.P.I. PONTECESURES.

 

 

 

Sabariz denuncia el abandono del mirador de O Galiñeiro y de todo su entorno, en Pontecesures.

Luis Ángel Sabariz Rolán, de la Agrupación Cidadá de Pontecesures (ACP) denuncia el estado de abandono del mirador de O Galiñeiro. El edil de la oposición señala que el enclave está lleno de maleza, y que incluso la pista asfaltada que discurre por el monte entre el cementerio de Condide y el mirador «presenta dificultades» para el paso de los vehículos debido al exceso de vegetación. Sabariz sostiene que en el pasado se invirtió mucho dinero en la recuperación de esta zona, pero que el actual grupo de gobierno «muestra su desinterés de costumbre por las instalaciones municipales». Por ello, urge la limpieza del entorno.

FARO DE VIGO, 20/10/12

Una veintena de niños reforestan Monte Galiñeiro.

Una veintena de niños de la escuela infantil de Pontecesures, acompañados por sus padres, hemanos y profesores, se desplazaron al Mirador do Galiñeiro para plantar árboles autóctonos (robles o castaños, entre otras especies) y poner así su grano de arena en la reforestación de la zona. Algunos de los niños llevaron sus propias palas de casa para acudir así más ilusionados a esta cita con la naturaleza y contribuír con sus instrumentos a la plantación. Después disfrutaron de una merienda de bizcochos elaborados en un taller de cocina.

DIARIO DE AROUSA, 04/03/12

Danos no alumeado do Miradoiro do Galiñeiro.

Os globos e as luminarias das farolas que se atopan na balaustrada do Miradoiro do Galiñeiro foron destrozadas hai uns días en actos de vandalismo.
A goberno local, que está a facer todo o posible para conservar este mirador que está situado no monte municipal Salgueiras-Lagoa nas mellores condicións para o uso e disfrute dos cidadáns, xa encargou os traballos de arranxo do alumeado colocando os novos elementos. En cuestión de días será reposto o material.

Os nenos dan vida ao monte Galiñeiro.

O monte Galiñeiro de Pontecesures ten hoxe un pouco máis de vida, a que lle deron os alumnos da escola infantil municipal, que acudiron esta fin de semana a prantar varias especies de árbores para poñer o seu grao de area na rexeneración da zona, na que hai anos se emprazou o basureiro da localidade, clausurado e selado despois pola Xunta de Galicia.
Foron arredor dunha trintena os rapaces que subiron ata o monte na mañá do sábado para participar nesta actividade de carácter ambiental e educativo, que ven repetíndose nos últimos anos como un xeito de concienciar aos máis pequenos sobre a necesidade de coidar a natureza.

Como non podía ser doutro xeito, tamén os pais deron exemplo e acompañaron aos seus fillos para axudarlles a prantar as árbores, entre as que había diferentes especies como acebos, carballos, bidueiros, castiñeiros, piñeiros… Os nenos amosáronse do máis ilusionados e puxéronlle moitas gañas á prantación, na que utilizaron ??ferramentas? que lles son moi familiares: pás, cubos e regadeiras de xoguete. Agora só lles queda esperar a que, coa próxima entrada da primavera, as súas árbores comecen a medrar e en anos vindeiros poidan acudir de novo ao Galiñeiro a facerlles unha visita e a coidalos.

Os pequerrechos da gardería cesureña foron obsequiados, logo de contribuír á mellora ambiental do municipio, cun libro por parte dos responsables do centro infantil e tamén cun CD co que, a bo seguro, pasarán momentos moi divertidos xa que contén actuacións do ??Show dos Paiasos?. Este último detalle correu a cargo do Concello, que tamén estivo representado na prantación coa alcaldesa, Maribel Castro, e o concelleiro de Relacións Institucionais, Luis Sabariz Rolán.

A media mañá estaba tamén previsto celebrar un almorzo no recinto do Mirador do Galiñeiro, aínda que a choiva fixo acto de presencia e iso obrigou a trasladar a comilona á escola infantil, para que os nenos estivesen a bo recaudo e non se mollasen.

DIARIO DE AROUSA, 15/03/10