Aparecen novas facturas de comidas coa inscrición «Sr. Alcalde y acompañante»

Publicado por Luis Angel Sabariz Rolán en

p(titulonota). Nota da Agrupación Cidadá de Pontecesures (ACP)

Como tiñamos coñecemento de que os días 13 e 25 de xaneiro de 2006 o alcalde mantivo dúas comidas nun restaurante da localidade con persoas sen identificar xa que nas facturas aparece a sorprendente inscrición manuscrita ??Sr. Alcalde y acompañante? e o presidente da corporación non resposta ás preguntas sobre a identidade do misterioso acompañante nin qué tiveron que ver as comidas coa xestión municipal, con data 13-03-06 solicitouse autorización para comprobar outras facturas de comidas do alcalde do 2º semestre de 2005.

Después de numerosos atrancos postos pola alcaldía (non respetou o prazo previsto pola normativa, houbo que esgrimir o silencio administrativo positivo, envioulle á policia local a este concelleiro para que cambiara de despacho cando comprobaba os documentos, non permitiu que obtivera fotocopias, etc..) no dia de onte examináronse as facturas do período solicitado e así volvemos a ter catro comidas máis ( o 28-10-05, o 03-11-05 o 18-11-05 e o 28-11-05) nois que aparece tamén a xa famosa inscrición a mán ??Sr. Alcalde y acompañante?.

Queremos denunciar diante da opinión pública e dos veciños de Pontecesures este comportamento do noso alcalde. Noutras facturas comprobadas aparecen os datos das persoas que foron a comer (cargos, representantes de colectivos, etc..) e así podemos deducir que as comidas tiveron que ver con asuntos municipais. Nestes casos que denunciamos ( trátase xa de 6 comidas) non se reflexan os acompañantes e así pensamos que son comidas particulares que nada teñen que ver co concello pero que pagamos todos con cartos da institución. Da a sensación que o alcalde convidou a algún achegado/a e a comida témola que pagar todos. Por suposto é tan irregular que se pague a comida do acompañante como a do propio alcalde xa que non hai xustificación algunha de que o almorzo tivera algo que ver co concello.

Ante o sucedido esta agrupación solicita ó alcalde que asuma a súa responsabilidade explicando quén son estes acompañantes que non coñecemos, engadindo que estase a analizar se procede o exercicio de accións legais. .

Facemos un chamamento ós máximos representantes do BNG para que tomen boa nota do sucedido comunicando así mesmo ós veciños de Pontecesures que, como oposición que somos, continuaremos a traballar para que non se repitan estes feitos. E a nosa obriga.

Pontecesures, 1 de abril de 2006
Luis Angel Sabariz Rolán
Concelleiro da ACP de Pontecesures.


3 comentarios

Romano · 4-04-2006 a las 00:36

Parece que o alcalde, ademáis doutras cousas que se escoitan, saiu «papador».

NORTE · 4-04-2006 a las 09:32

Sabarís, por aí vas mal. Acusar a un alcalde de facer papatorias é fortalecelo no seu cargo. Pregúntallo a Villamor.

Luis Angel Sabariz Rolán · 4-04-2006 a las 10:16

Eu non acuso ó alcalde de organizar comidas masivas con fins electoralistas. Sí o acuso de que hai,de momento, seis comidas nas que asistiron dúas persoas figurando na factura «Sr. Alcalde y acompañante». Como o propio alcalde non contesta sobre a identidade do acompañante nin tampouco sobre que tema municipal foi tratado,afirmo que son comidas privadas pagadas con fondos públicos e iso non se pode consentir. Tódolos gastos nun concello teñen que estar xustificados e, por suposto, tamén os de representación da alcaldía que non están exentos de control.

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.