A ACP apoia a Ruta Xacobea do río Ulla aínda que non se convidou á oposición ao acto do 2 de setembro.

Publicado por Luis Angel Sabariz Rolán en

O concelleiro Luis Angel Sabariz Rolán enviou ao Xerente da S.A. de Xestión do Plan Xacobeo Ignacio Rodríguez Eguibar e ao Director Xeral de Turismo Rubén C. Lois González o seguinte escrito:

O pasado día 2 de setembro fixo vostede o remonte do río Ulla dende Vilagarcía a Pontecesures percorrendo a Ruta Xacobea Mar de Arousa-Ulla acompañado do presidente da ruta D. José Luis Sánchez Agustino e de varias autoridades autonómicas e de distintos concellos. Segundo o anunciado se pretende potenciar esta marabillosa ruta e por iso animouse vostede a percorrela ??in situ?.

Este concelleiro, aínda que non foi convidado ós actos polo alcalde de Pontecesures D. Manuel Luis Alvarez Angueira, presentouse no peirao para saúdar á comitiva e acompañar ós asistentes ó xantar oficial que tivo lugar no edificio do ??Alfolí? ausentándose logo porqué os membros da oposición tampouco estabamos convidados a dito xantar.

Quero comunicarlle a vostede que este concelleiro representante da Agrupación Cidadá de Pontecesures, aínda que non lle foi posibel facelo persoalmente polas razóns anteditas, agradece a súa visita e solicita que se apoie este percorrido marítimo-fluvial polo seu interese turístico, medioambiental e paisaxístico. E unha pena que os membros da oposición non poideramos recibir información sobre as medidas a adoptar ou facer suxerencias para mellorar esta conmemoración da traslación do Apóstolo.

Resulta triste esta actitude do noso alcalde de marxinar a representantes dos veciños nestes actos pero isto non debe afectar a potenciación da Ruta Xacobea que é un empeño de todos.

Envíolle un cordial saúdo.


0 comentarios

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.