Bea da o salto ao teatro

Publicado por Antonio Cortés en

Acordaranse dela. Hai uns anos foi unha das estrelas de Operación Triunfo – cando OT aínda era todo un acontecemento social -. Entón a coñecíamos como Bea Porrúa ou como aquela rapaza de Pontecesures que ía ás clases de Nina. Hoxe faise chamar Bea, a secas, e xa empeza a labrarse a súa propia carreira neste difícil mundo do espectáculo. A rebumbio do seu éxito televisivo sacou o seu primeiro disco Fuego y Miel e agora reaparece cun segundo traballo titulado Volver a amanecer . Os seus veciños de Pontecesures xa tiveron ocasión de oíla no verán, nas festas do Carme. Ao resto sempre nos queda a opción de mercar o cedé, acompañado de deuvedé, editado pola discográfica galega Clave Records.

Ben, pero non só é cuestión de facerlle promoción a Bea que, por certo, non sobra vistos todos os cantantes que saen cada ano da casa do Triunfo e de fóra dela. Non todos poden ser Bisbal, pero coa súas gañas e talento seguro que a cesureña acada un oco no panorama musical, que se di agora. Por de pronto vai polo segundo disco e, prepárense, que non acaba aí a cousa. ¿Sabían que tamén lle da á interpretación? Cando aínda non soñaba con subirse aos escenarios, Bea empezou os estudos de Xestión e Administración pública na Universidade de Vigo pero, despois de pasar por TVE, as cousas mudaron moito. Agora estuda na Escola Superior de Arte Dramático de Galicia e acaba de conseguir un traballiño co grupo Artello. Cos de Artello está preparando o seu debut como actriz cunha obra creada para o Centro Dramático Galego que percorrerá Galicia durante os meses de xaneiro e maio do 2007. Pois nada. Agardamos impacientes e a ver se a xira a trae por estas terras de Arousa onde se lle quere. Teatro que non falte Con Bea ou sen Bea, o caso e que na comarca de teatro imos servidos. Non hai queixa. Case todos os concellos, senón todos, inclúen as artes escénicas na súa oferta cultural do outono-inverno. Ben sexa no espléndido auditorio de Vilagarcía ben sexa na casa de cultura máis humilde, haberá teatro dabondo. Permanezan atentos ás nosas seccións culturais.

:: La Voz de Galicia ::


1 comentario

Luis Angel Sabariz Rolán · 30-10-2006 a las 20:12

O venres día 27 de outubro actuou Bea en Madrid (parque de La Vaguada-Barrio del Pilar) nunha festa organizada polo Centro Galego da capital. Tivo un gran éxito segundo as miñas informacións. Cando cantou ao remate «Lela», «Negra sombra» e «Miña Terra» as ovacións do público posto en pe foron apoteósicas. Noraboa á nosa cantante.

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.