A panda catódica enrólase nun concerto itinerante por Galicia

Publicado por Antonio Cortés en

Tras os éxitos acadados nas últimas edición de Correlingua e Voz Natura, o xabarín enrólase nun concerto itinerante polas vilas de Galicia, coas melodías das series televisivas versionadas para a ocasión polo músico vigués Pablo Novoa.

Coas voces dos cantantes Ánxeles Lago, Josito Porto e presentada por Manolo Romón, a Xabaxira percorre a comunidade, ao aire libre en verán e nos auditorios durante o inverno. O martes, a panda catódica actuará no auditorio de Vilagarcía (18.30 horas), o día 26 deste mes en Vilalba (19 horas), o 28 en Cangas (18 horas) e o 29 no polideportivo grupo escolar de Pontecesures (18.30 horas). Haberá tamén galas o martes 2 de xaneiro no auditorio Hernán Naval de Ribadeo, o mércores 3 no pazo da Cultura en Carballo e o xoves 4 no pazo da Cultura en As Pontes. Nestas galas, as clásicas cancións do programa (Somos do clube, Socio busca socio, Porco superstar), mestúranse cos temas máis novidosos (Os colegas do xabarín, A festa son eu) e non faltan melodías de series (Evangelion, Son Gokuh) que puxeron en sintonía varias xeracións de espectadores.

:: La Voz de Galicia ::


0 comentarios

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.