Pontecesures solicita máis paradas do tren.

Publicado por Luis Angel Sabariz Rolán en

Texto do escrito dirixido no día de onte a Renfe Operadora (A Coruña):

Con data 06/10/07 solicitouse que se corrixiran as deficiencias que observamos no novo horario de trens (fundamentalmente que non se perdera a última viaxe ata Santiago que pasaba por Pontecesures sobre as 23,00 horas de luns a sábados, e que volvese a circular un tren de mañá con dirección a Pontevedra e Vigo os sábados, domingos e festivos a primeira hora da mañá).

Como se están a facer estudos por parte de vostedes, e como o traxecto Vilagarcía-Pontevedra vai ser máis curto en breve coa entrada en servizo da variante, sería moi beneficioso para Pontecesures que o tren R-598 que sae de Vigo ás 6,30 horas e que pasa por Padrón ás 7,37 horas, tamen parase en Pontecesures uns minutos antes. E tamén que outro R-598 que sae de A Coruña ás 13,50 horas e para en Padrón ás 14,52 parase en Pontecesures uns minutos despois.

A incidencia nos horarios xerais sería practicamente inapreciable e teríamos dous servizos máis que reclama a cidadanía.

Esperamos que se nos teña en conta informándolles que dende o concello estamos a facer xestións para que o tren de cercanías e de media distancia teña cada vez máis usuarios (colocación de horarios nas rúas e nos establecementos, información nas oficinas municipais a excursionistas, peregrinos e visitantes en xeral, información a colectivos, etc..)

Pontecesures, 10 de outubro de 2007
O concelleiro de relacións institucionais
LUIS ANGEL SABARIZ ROLAN


0 comentarios

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.