COPA DE PROMOCI�?N MURCIA

Primeiros podios para os dous grandes equipos do piragüismo arousán na Copa de España de Promoción. Na proba inaugural, desputada o pasado domingo nas augas murcianas de Los Alcázares, o Breogán-Outón Xunqueiriña rematou na segunda praza da clasificación por equipos con 2.677 puntos, tan só por detrás do Náutico Rodeira de Cangas, vencedor con 3.159. O As Torres-Romería Vikinga foi terceiro cun único punto menos có seu veciño do Grove.

O outro equipo destacado da ría foi o Piragüismo Illa de Arousa, oitavo con 1.924 puntos. O Náutico O Muíño de Ribadumia ocupou o posto 25 (1.052 puntos), o Náutico Pontecesures o 42 (589) e o Liceo Casino de Vilagarcía o 43 (571).

A nivel individual, destacar as pratas do breoganista Bryan Fernández Prol, en Home Infantil B C-1 Destro, e de Álvaro Novo López, do As Torres, en Home Infantil A C-1 Zurdo, así como o bronce do palista do Náutico Pontecesures Jorge Riveiro Oliveira, en Home Infantil B K-1. A Copa de España de Promoción verá a súa segunda proba o vindeiro 10 de maio en Ibiza.

A VOZ DE GALICIA