O Santiaguiño do monte 2008. Volta ás orixes

Publicado por Antonio Cortés en

En poucos días celebrarase a 44 edición da romaría enxebre do Santiaguiño do Monte que se celebrará durante os vindeiros 24, 25 e 26 de Xullo. O deseño do cartel das festas tomouse dun óleo do pintor madrileño afincado no Bierzo Celedonio Guijorro, no que se representan dous gaiteiros e que cedeu desinteresadamente para tal evento.

O día 24 terá lugar a 39 edición do tradicional derbi asnal polas rúas da Vila, con importantes premios en metálico para os participantes. Pola noite grupos de gaiteiros e charangas animarán ata altas horas da madrugada as rúas e prazas da Vila.

O venres día 25 de xullo, día grande das festas, mesturaranse os actos festivos cos relixiosos do culto a Zebedeo, o fillo do Trono, este ano recuperarse as orixes da romaría, converténdose a xornada nunha exaltación do folclóre con concurso de gaiteiros solistas e concurso por parellas de baile galego, con premios importantes para os participantes, concursos organizados polas agrupacións folclóricas O Pedrón e Rosalía de Castro en colaboración cas concellerías de Festexos e Cultura do Excmo. Concello de Padrón.

Pola noite a partires das 23: 00 horas na Praza de Macías terá lugar a Noite folk ca actuación gratuíta dos grupos: Pradairo, Leilía, Festicultores e Grupo de Regueifeiros..
O sábado 26 terá lugar a partires das 22: 30 horas a actuación de Carmen Dor na Praza de Macías.

O Concello de Padrón, a traverso das Concellerías de Festexos e Cultura, fai unha invitación pública a participar nas festas do Santiaguiño co compromiso de recuperación das nosas costumes, tradicións e folclore.

cartel.jpg
Premer sobre o cartel para descargar o programa de man da 44 edición do Santiaguiño do monte

0 comentarios

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.