Nueve8seis, un grupo con identidad provincial en Valga.

Publicado por Luis Angel Sabariz Rolán en

nueve8seis.jpg

O grupo pontevedrés está a percorrer Galicia logo do éxito acadado na súa posta de longo a nivel nacional.

O espazo festivo por excelencia no concello de Valga é o Parque Irmáns Dios Mosquera, que se atopa a carón da estrada N550 e alí van ter lugar os actos centrais da XX Festa da Anguía e XVIII Mostra da Caña do País que se celebra esta fin de semana, como é habitual.
Aínda que a cita gastronómica propiamente dita é mañá, esta noite é o turno da música. Como cada ano, coñecidos intérpretes de ámbito nacional e internacional pasan polo escenario valgués, como foi o caso de Ráfaga, La Unión, Milladoiro, Luar na lubre ou Los Secretos, entre outros, pero nesta edición a organización decidiu que non fose só unha única actuación, senón varias. Deste xeito, Pimpinela, a cantante local María (finalista de Son de Estrelas), Son Pasión de Gavilanes, e incluso unha selección dos mellores musicais deleitarán ao público con distintos estilos musicais.

Comezo. Pero os encargados de dar o pistoletazo de saída a esta gala van ser a agrupación da cidade do Lérez Nueve8seis, que están a percorrer Galicia co seu primeiro traballo discográfico, que leva por título ??Casualidad? e que xa se pode adquirir en distintos puntos de venda da cidade de Pontevedra.

Chegan dende Pontevedra coa forza e enerxía que xa amosaron cando participaron no concurso organizado para escoller á canción que representaría a España no certame musical europeo. Así, dos máis de 400 intérpretes, Nueve8seis quedaron entre os 50 primeiros, o que demostra a calidade que o grupo está a ofrecer por toda Galicia cunha xira na que presentan o seu primeiro single, ??Quiero?.

??Casualidad?, un traballo que sae ao mercado con once temas de pop e rock así como un videoclip que poñen de manifesto o lonxe que pode chegar esta formación.

DIARIO DE AROUSA, 30/08/08


0 comentarios

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.