Os populares emprazan á xunta a posicionarse en contra da ponte con piares sobre a ría de Arousa

Publicado por Antonio Cortés en

Jose Manuel Balseiro, voceiro de Pesca do PPdeG subliña que Fomento ten efectuado unha modificación substancial no proxecto construtivo deste viaduto: Dunha ponte sen apoios na ría pasaron a outra con piares que implica a necesidade de construír peiraos de servizo, realizar recheos, cimentacións, así como unha serie de vertidos que contaminarían de xeito irreversible o medio mariño.

* O Grupo Parlamentario Popular defenderá varias iniciativas na Cámara autonómica para coñecer a posición do Executivo autonómico respecto desta infraestrutura e reclamar da Consellería de Pesca a correcta valoración do impacto ambiental da mesma. Entre elas, solicítase a comparecencia do Director Xeral de Recursos Mariños.

* Os populares subliñan os múltiples prexuízos que provocaría desenvolver o proxecto construtivo desta ponte con paires: afectaría a unha zona estuaria única na que, entre outros, se atopan portos pesqueiros de relevancia como Carril, Vilaxoan, Vilanova, Rianxo, a Illa de Arousa; e repercutirían negativamente nos importantes bancos marisqueiros que alí existen e nos que se xeran recursos por un valor superior aos 90 millóns de euros anuais.

* A afectación do ecosistema mariño, tería tamén un efecto negativo na actividade turística desta zona, por canto viríase prexudicada a imaxe e o prestixio do marisco da ría, que constitúe un dos alicerces fundamentais para moitos dos visitantes e turistas

Arousa, 13 de setembro de 2008.- O voceiro de Pesca do Grupo Parlamentario Popular, José Manuel Balsiero Orol, xunto as deputadas Marta Rodríguez Arias e Rosa Oubiña Solla, rexistraron unha batería de iniciativas no Parlamento de Galicia a través das que emprazan á Xunta á posicionarse en contra da construción dunha nova ponte con paires sobre a ría de Arousa. Esta nova infraestrutura, promovida polo Ministerio de Fomento que dirixe a socialista Magdalena Álvarez, serviría de viaduto para as obras do AVE en Galicia e ten previsto unir os termos municipais de Catoira e Rianxo.

MODIFICACI?N SUBSTANCIAL NO PROXECTO

Os deputados populares explican que Fomento desenvolveu unha modificación substancial no proxecto construtivo ??que fundamenta o noso rexeitamento?: Dunha ponte sen apoios sobre a ría pasouse a outra con piares, que implicarían a necesidade de construír peiraos de servizo, realizar recheos, cimentacións, así como unha serie de vertidos que contaminarían de xeito irreversible o medio mariño.

AGRESI?N CONTRA A PESCA E O MARISQUEO

Jose Manuel Balseiro Orol entende que unha ponte con piares constitúe unha agresión inxustificable contra o ecosistema da ría de Arousa. De feito, o voceiro de Pesca do PPdeG, amósase convencido en que a execución desta obra implica innumerables prexuízos nunha zona estuaria única, na que se atopan portos pesqueiros de relevancia como Carril, Vilaxoan, Vilanova, Rianxo, a Illa de Arousa ??e, todo iso, por limitarnos a citar os máis próximos á desembocadura do río Ulla?.

A isto debemos engadir o ??forte impacto? sobre os bancos marisqueiros alí presentes. Unha zona de produción ??única? da que se extrae ameixa fina, ameixa babosa, berberecho, vieira e ostra, e que constitúe ??un motor económico capaz de xerar importantes recursos e riqueza?. De feito os populares lembra que a actividade pesqueira e marisqueira na ría de Arousa é o principal recurso económico desta área – xera unha facturación anual superior aos 400 millóns de euros- e ten, entre outras características, a importancia der ser a zona de produción de mexillón máis grande do mundo

O voceiro de Pesca do PPdeG lembra que, precisamente, por todas as razóns mencionadas con anterioridade, a área afectada pola construción desta nova infraestrutura, logrou no seu día a declaración como Lugar de Interese Comunitario (LIC) -o curso do río Ulla- así como forma parte, por dereito propio, da Rede Natura 2000, en atención a súa riqueza biolóxica, medioambiental e a súa calidade paisaxística

IMPACTO SOBRE O TURISMO

A maiores das diversas desvantaxes subliñadas, os populares entenden que a construción da nova ponte, tal e como esta proxectada, podería ter un efecto negativo na actividade turística desta zona, por canto viríase prexudicada a imaxe e o prestixio do marisco da ría, que constitúe un dos alicerces fundamentais para moitos dos visitantes e turistas.

AS CONFRARÍAS REXEITAN A MODIFICACI?N DO PROXECTO

O Grupo Parlamentario Popular subliña que, entre os detractores deste novo proxecto aparecen os patróns maiores de A Illa, Rianxo, Vilanova, A Pobra, Ribeira e Cambados, xunto ao presidente da Federación de pósitos de Pontevedra e o de Galicia. ??Todos eles, coinciden un subliñar o grave impacto ambiental que traería consigo o novo viaduto, así como a súa incidencia prexudicial nas especies mariñas que constitúen a base fundamental da actividade dos máis de 3.000 mariñeiros e mariscadoras que alí traballan? ??expuxo Balseiro Orol.

ACTIVIDADE PARLAMENTARIA

O PPdeG solicitará a comparecencia do director Xeral de Recursos Mariños para que explique a posición do Goberno galego respecto deste proxecto e, se ten elaborada a Consellería de Pesca un informe sobre o impacto desta nova infraestrutura nos recursos pesqueiros e marisqueiros. As iniciativas promovidas polos deputados José Manuel Balseior Orol, Marta Rodriguez Arias e Rosa Oubiña Solla, teñen por orixe unha petición da agrupación local do Partido Popular de Catoira ??profundamente preocupado pola incidencia desta nova ponte con piares, sobre a ría de Arousa?

Os deputados populares lembran que o Executivo que preside Emilio Perez Touriño ten o deber de garantir a adecuada protección dos nosos recursos xunto coa promoción de infraestruturas que sexan capaces de respectar a riqueza medioambiental da nosa terra. Por iso a Xunta de Galicia debe apostar por aqueles proxectos que provoquen o menor impacto posible no ecosistema, así como tamén, traballar pola preservación dunha área de tanta importancia como a ría de Arousa ten no conxunto de Galicia .

SA?DOS.- JOSE MANUEL BALSEIRO OROL : Enviado a redaccion@pontecesures.net


0 comentarios

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.