Louzán: «O proxecto Regreso a Casa busca que volvan ao PP independentes que estiveron con nós».

Publicado por Luis Angel Sabariz Rolán en

??O obxectivo do PP de Pontevedra é acadar 50 alcaldes en maio de 2011?
??Onde non hai goberno estamos analizando cales deben ser os candidatos? ·· ??O proxecto Regreso á Casa busca que volvan independentes que estiveron con nós? ·· ??Estou a gusto como presidente da Deputación e do PP provincial?

Rafael Louzán (Ribadumia, 1967), funcionario municipal con vocación empresarial e sempre inquieto, conta con escano na Deputación de Pontevedra dende 1995. Líder do PP na provincia dende 2000 e presidente da institución dende 2003, ten no seu ánimo renovar ambas responsabilidades: antes de fin de ano no congreso popular e despois en 2011 tras as municipais.

– Na apertura do curso político en Soutomaior fixou como reto prioritario abordar xa a elaboración das candidaturas para as eleccións municipais. Eso chámase traballar con planificación. ¿Cando deben estar?

– O groso debe estar cerrado, se pode ser, no primeiro semestre de 2010 para os comicios de maio de 2011. ? máis, algunhas candidaturas están case cerradas.

– ¿Cales son os criterios xerais?

– Naqueles concellos onde o PP ten unha maioría folgada hai que consolidala. Estamos traballando nisto. Onde non hai goberno estamos analizando cales deben ser os candidatos e se debemos mantelos ou non. Estamos facendo seguimento municipio a municipio e vendo distintos candidatos que poidan liderar estes concellos.

– ¿Haberá moita renovación?

– No PP de Pontevedra gusta moito a palabra renovación. Nas municipais de 2003 e 2007 houbo unha renovación dos cabezas de lista de case o 50%. Nesta ocasión vai ser igual de ampla. Nas últimas autonómicas, 5 dos 10 candidatos en postos de saída por Pontevedra foron renovados. Eso fala ben as claras.

– Creo que ten en marcha un plan de ampliación da base electoral.

– Temos un proxecto que se chama Regreso á Casa. Consiste en poñer en valor que este é un partido aberto, no que debemos estar todos aqueles que pensamos que é a mellor localización política posible para facer algo por esta sociedade e este país. Hai persoas independentes que militaron no partido noutras etapas e que é preciso fomentar o seu regreso, esa volta á casa.

– ¿Cales son eses grupos?

– Non imos entrar en detalles, pero un caso, por exemplo, é o da Estrada, onde se acaban de incorporar dous concelleiros que teñen practicamente 2.000 votos. Ese é o modelo que estamos facendo e queremos seguir facendo sen espaventos, sen ruído, de maneira silenciosa, porque é a mellor forma de encaralo. Non hai que esquecer que implica
unhas doses importantes de xenerosidade tanto polos que están como polos que volven.

– Agora teñen 37 alcaldías, dos 62 municipios da provincia. ¿Cal é o reto que se fixan para maio de 2011?

– Nas eleccións anteriores a 2007 tivemos 45 alcaldías. O noso obxectivo está en torno ás 50.

– ¿Por que?

– Porque neste momento hai en Pontevedra 50 municipios onde o PP é o partido máis votado. Por eso, reivindico desde aquí unha reforma da lei electoral. Os partidos que gañen, que gobernen; e os que perden, teñen que estar na oposición. Aprema unha refoma da lei electoral de verdade. ? mesmo tempo, tamén é certo que tamén urxe mellorar o pacto antitransfuguismo. Pode, perfectamente, ir todo no mesmo paquete. Incorporemos o pacto antitransfuguismo aí, porque agora o pacto antitransfuguismo non é nada establecido por lei, é un acordo entre partes. Eu creo que ese pacto necesita claramente unha reformulación.

EL CORREO GALLEGO, 26/09/09


1 comentario

estudiante · 26-09-2009 a las 17:55

«Os partidos que gañen, que gobernen; e os que perden, teñen que estar na oposición. Apremia unha refoma da lei electoral de verdade»
Que fariseo é este tipo. Desde a Deputación que preside, e cos cartos que non son del ni do partido, está a fomentar as mocións de censura na provincia. Primeiro expulsan aos tránfugas do partido pra que fajan a moción, e lojo nas sijientes vólvenos a coller no PP e todo listo.»Regreso á casa» Búrlanse de todos e quedan tan panchos.
E inda ten a cara de dicir os que jañen que jobernen e os que perden para oposición, e non se lle pon a cara azul nin doutro color. Mirando solo neste concello de Cesures, Randulfe perdeu as eleccións con rotundidade e claridade e está jobernando. Que mentireiros son e pretenden enjañar a todo quisque.

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.