Persoal de Estradas da Xunta abre unha gabia para que circule a auga embalsada na rotonda da Charca.

Despois de solicitalo en varias ocasións o Concello de Pontecesures, esta tarde unha pala abriu unha gabia conducindo a auga embalsada na cuneta da PO-548 Pontecesures-Vilagarcía (Avda. de Arousa) ata o tubo de 1 metro de diametro que estaba inutilizado e que vai logo baixo a pista que comparten Pontecesures e Valga (se vai por ela ao Centro Médico de Baño).
Agradécese a actuación realizada de xeito provisional, pero hai que insistir en que se canalice axeitadamente toda a cuneta ata a rotonda da Charca, xa que prodúcense outros embalsamentos antes, e para evitalos hai que instalar tubos de amplio diámetro, ou conducións en aberto, baixo as entradas das fincas das márxenes da estrada autonómica.
Sobre a iluminación, sobre a fixación das tapas dos pozos de sanemento e sobre as beirarrúas, non se coñecen novas.