O pleno, de xeito unánime, desestima a alegación de REDTEL contra a ordenanza da telefonía móbil.
A sesión foi hoxe sábado 26 de decembro ás 13 horas e asistiron 9 dos 11 membros da corporación. Fallaron Margarita García Castro (BNG) e Arturo Ferro (BNG).
Sen debate, e por unanimidade, a corporación rexeitou a alegación presentada contra a aprobación inicial da Ordenanza fiscal reguladora da taxa pola utilización privativa ou aproveitamento especial de dominio público local polas empresas explotadoras dos servizos de telefonía móbil no Concello de Pontecesures.
A ordenanza foi aprobada definitivamente e agora para a súa entrada en vigor ten que ser publicada no Boletín Oficial da Provincia.
0 comentarios