Pontecesures-A Estrada. O camiño do Sal.

Publicado por Luis Angel Sabariz Rolán en

Descubrín hai moi pouco o Camiño do Sal, cando uns amigos me encargaron escribir unha historia sobre a ruta coa que o Expres de Vea une as vilas de Cesures e A Estrada, as dúas pertencentes ás Terras de Santiago.

Pontecesures é unha vila feituca e fermosa na que comeza a apertura da ría máis fermosa do mundo, en realidade é o porto das Terras de Santiago e alí remata a ruta marítima que polo Ulla leva a Compostela.

Pero ten moita máis historia, dende a súa ponte romana logo reformada polo mesmo Mestre Mateo. En 1467 o rei Henrique IV outorgoulle o importantísimo privilexio da descarga en toda a ría de produtos sobre os que exercía férreo monopolio o seu reinado. Isto orixinou un febril mercado e tráfico que trataron de ordenar os ministros do monarca Carlos IV ordenando a construción dun alfolín, coñecido como Almacén de Rendas Estancadas no que se facía acopio e custodiaban esas mercadorías que daquela tiñan unha importancia estratéxica e que o enxeño popular chamou «as sete rendiñas», tales eran chumbo, pólvora, almagre, vermellón, lacre e naipes, ademais dos sumamente prezados por necesarios sal, nitratos e tabaco. Pero onde hai monopolio e necesidade aparece automaticamente o contrabando e aí empeza a historia do Camiño do Sal.

Os paisanos daquel tempo facendo gala dun valor e un esforzo titánicos transportábano con carros de bois e reatas de mulas polo Val de Vea cara a Santiago e outros lugares sen ter que pagar rendas nin tributos. Percorrían un camiño que atravesaba montes inhóspitos izados de gardas, lobos, igrexas románicas, cruceiros, escuridade, lendas, paisaxes e historias apaixonantes que hoxe constitúen un verdadeiro tesouro nunha ruta natural das Terras de Santiago.

Por Valentín García. Escritor e veciño da Estrada
TIERRAS DE SANTIAGO, 15/02/11

Categorías: Historia

0 comentarios

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.