Gran asistencia ao desfile de disfraces no Entroido de Pontecesures.
De gran éxito de participación pode cualificarse o desfile e o concurso deste ano. Houbo máis de 250 personas disfrazadas e moitísimo público. Animou o dúo Caché de Valga.
Estes foron os gañadores:
CATIVOS 0 ?? 3 ANOS
INDIVIDUAL:
3º – FORESTAL
2º – PEQUENA LABREGA
1º – PAVO REAL
PARELLAS/GRUPOS
1º – BOMBONAS
INFANTIL 4 ?? 14 ANOS
INDIVIDUAL
3º.- MONSTER HAIR
2º.- CAMALE?N
1º.- SE?ORA DAS ANILLAS DE REFRESCOS
PARELLAS
3º.- MUEBLES ALCOBA
2º.- REIS DAS CHAPAS
1º.- PALLASOS RECICLADOS
COMPARSAS
3º.- G?TICAS
2º.- SAMBA NO ARRECIFE
1º.- EL SOLDADITO Y LA BAILARINA
ADULTOS + 14 ANOS
INDIVIDUAL
3º.- A VIDA NO PALLEIRO
2º.- DUCHA HUMANA
1º.- O BARCO NO MAR
PARELLAS
3º.- BOMB?NS FERRERO ROCHER
2º.- TOY STORY
1º.- CLEOPATRA Y SUS FANTASÍAS
COMPARSAS
3º.- A COSTUREIRAS
2º.- OS PAXARI?OS
1º.- ARRINCADEIRA
4 comentarios
RccD · 7-03-2011 a las 15:23
Gustaríame felicitar á organización do festival de disfraces pola súa gran labor no día de onte.
Coma todos os anos, a recollida de dorsáis comezou tarde restándolles tempo os participantes para prepararse de cara ó desfile. O paseo polas rúas sen sentido, con moitas paradas, participantes mal colocados e unha diferencia de ambiente entre a zona dos nenos ó principio e a dos maiores (nas comparsas) atrás abismal. Non vale de nada levar música se só se pode oir cando só acompaña a 4 participantes.
Sobre os premios, pois o mesmo de tódolos anos: amiguismos e favores. Nótase que veñen as eleccións e hai que facer campaña en todo.
Se nun evento cultural e lúdico coma o de onte se ven estas mafias, por uns miserables premios, ata onde se pode chegar no concello… Mellor non pensalo.
De tódolos xeitos sempre estamos igual, o público (o pobo) aclama a algúns participantes, pedíndolles fotos e vitoreándoos pola rúa, e os premios lévanos os coñecidos da mandamáis.
Non me extraña que durante a entrega estivese tan «preocupada» por saber a procedencia dalgúns premiados.
Lamentable. Así non gañades adeptos. O ruxe ruxe no público creo que foi significativo. Vós veredes o que facedes.
Luis Angel Sabariz Rolán · 7-03-2011 a las 15:43
Non estou de acordo cos túas opinións, «RccD». Para min a organización foi boa e tivemos un éxito de participantes e de público. Os dorsais comezaron a repartirse ás 16:15 horas aínda que moitos participantes retrasáronse. En canto ao desfile, obviamente, non podemos compararnos co Sambódromo de Río de Janeiro, pero penso que foi unha comitiva moi digna e lucida. Por suposto, a mellor que houbo en Pontecesures dende sempre.
Non vin eu actos electorais por ningunha parte, e sobre a decisión ds premios estamos no de sempre. Todo é opinable, pero respecto moito a decisión das cinco persoas compoñentes do xurado. Non só iso, apoio a seu labor que ademais foi totalmente desinteresado. Insinúas que houbo influencia política na decisión. Non me consta para nada. Que doado e que inxusto é sempre lanzar acusacións deste tipo. Parece que na sociedade actual levamos sempre isto na cabeza. Triste.
RccD · 7-03-2011 a las 16:22
Non estou dicindo que o desfile non quedase vistoso, só digo que hai un milleiro de cousas que se poden mellorar. E se nun ano ves que certos aspectos quedaron frouxos e poden ser cambiados no seguinte o lóxico sería tentalo.
A entrega de dorsáis empezou as 16:20, case máis 25 que 20, pero non pasa nada, xa é algo habitual.
Ti podes terlles toda a consideración que queiras ós membros do xurado, pero sempre hai eleccións que dan que falar. O que non podemos negar son as evidencias. Falo das eleccións porque están á volta da esquina e todo axuda, pero como ben dixen, a cousas non é de agora, e fai un ano, e dous, e tres, as eleccións no estaban preto e aínda así, había lerias. A xente pola rúa apoia uns disfraces e aínda que algúns deles saian premiados, as primeiras posicións sempre son sospeitosas. De nada vale que xures que son xente de lei se para calquera que coñeza un pouco o concello vai ser doado ver as relacións.
Non che consta que houbese influencia (políticas ou de calquera outro tipo) nas decisións, solo faltaría que ademáis de facelo o fosen berrando ós catro ventos.
Luis Angel Sabariz Rolán · 7-03-2011 a las 23:25
A mellor proba de que se tratan de corrixir cousas é que o desfile e o concurso son mellores cada ano que pasa. Hai que seguir nesta liña, pois en Pontecesures onte houbo un ambiente festivo que beneficiou a todos.
Non mestures eleccións con Entroido «RccD». Poderase dicir que o xurado estivo máis ou menos acertado dende o punto de vista dos gustos de cada un, pero teño moi, pero que moi claro, que de influencias políticas, nada de nada. Porén; sempre hai algún malintencionado que todo pon en dúbida.
Non me parece xusto augar agora a festa. Foi unha tarde exitosa da que poidemos disfrutar moitas persoas da nosa vila e das poboacións limítrofes. Noraboa aos premiados, e o agradecemento profundo a aqueles que aínda que non obtiveron premio traballaron dabondo para participar no concurso. Moitas grazas.