Rafael Louzán visitou onte o Club Náutico de Pontecesures.

A última hora da tarde, o presidente da Deputación de Pontevedra, Rafael Louzán Abal, acompañado do deputado provincial e alcalde de Valga, José María Bello Maneiro, visitou o edificio municipal utilizado polo Club Náutico e que se atopa no peirao de Pontecesures. Ademáis do presidente e varios directivos do club, estiveron presentes o alcalde de Pontecesures, Manuel Luis Álvarez Angueira, os concelleiros do grupo de goberno Ángel Manuel Souto Cordo e Roque Luis Araújo Rey e os concelleiros do PP, Juan Manuel Vidal Seage e José Ramón Cadilla Piñeiro.
Ademáis de entregar ao presidente Ángel Barreiro un cheque coa subvención anual de 3.500 euros, o presidente informou da resolución de axuda ao club para adquirir embarcacións (sobre 15.000 euros) e de que o organismo provincial vai facer un investimento no edificio para arranxar os problemas que presenta en materia de humidades e outras deficiencias. Por tal motivo un arquitecto acompañou tamén ao Sr. Louzán para realizar a valoración.
A directiva do Club Náutico convidou ao presidente e aos demais asistentes a un viño servido no hotel «Casa do Río».