O Botánico artístico de Padrón.

Padrón conta no artístico xardín Botánico cunha das suas xoias patrimoniais. Anunciouse unha axuda económica de Fomento a conta do 1% cultural para a súa rexeneración e digamos que total posta a punto. Como principal actuación a realizar se trata de efectuar o cercado da zona Sur pendente para completalo co resto existente. Pero todo segue como estaba e as críticas choven para uns e outros.

Por outra banda, cabe lembrar aquí tamen a necesidade dun servicio de aseo público, algo que se bota de menos e se ven reivindicando dende sempre, pero sen que tal demanda se vexa cumprida a pesares das numerosas visitas de turistas, grupos de colexiales de Galicia e outros puntos de España que aquí acuden como excursionistas, e a reunións de carácter didáctico, etc.

Asemade outros comentarios xiran en torno o abandono en reparar a estatua do trovador padronés Macias O Namorado, cuxa autoría se debe ao escultor e inesquecible amigo de Calo-Teo, Alfonso Sanmartín. Inaugurada un 9 de abril do 1961, dende hai mais dun ano que o vandalismo a deixou sen a man dereita do doncel que apoiaba sobre o peito.

A estatua de Macías preside ao pé dunha grandiosa e espectacular sequoia roxa, en tanto no mesmo Botánico existen tamén sendos bustos ao xenial rianxeiro Castelao e ao profesor padronés Gende, e que por outra parte entre as numerosas especies botánicas con que se enriquece este preciado recinto figura o buxo en honor ao noso Nóbel Camilo José Cela e outros exemplares homenaxes asemade a sobranceiros persoaxes ou entidades.

Pero non podemos pechar a columna de oxe sen reclamar unha vez mais o adecentamento da casa-taller que na situación en que se encontra mais que mágoa resulta un auténtica aldraxe para todos os padroneses. Cantos visitan tan privilexiado espacio da capital do Sar comentan sorprendidos a lamentable situación. Sería de desexar que a normalidade se produxera antes do vindeiro verano.

Por José Castro Cajaraville.
TIERRAS DE SANTAGO, 15/05/12