A Liga Galega Infantil bota a andar co Náutico Pontecesures defendendo título.

Publicado por Redacción en

O encoro pontevedrés do Pontillón do Castro servirá este sábado de pista para a primeira das probas puntuables da Liga Galega Infantil. Unha cita que congregará a 472 padexeiros de 36 clubs diferentes, incluídos os seus alevíns A, categoría con 1.500 metros de distancia de competición polos 3.000 da infantil.

Case un de cada tres rapaces en competición lucirá a licra dun dos sete equipos da beira sur da ría de Arousa. Un total de 150. Co Náutico Pontecesures sendo con moito o club con maior participación, 47 padexeiros, seguido polos 31 das Torres-Romaría Vikinga, polos 27 do Náutico Firrete, polos 26 do Piragüismo Illa de Arousa, e polos 25 do Náutico O Muíño de Ribadumia e do Piragüismo Rías Baixas-Náutico Boiro. O Náutico Pontecesures defenderá o seu título de campión masculino da Liga Infantil.

Completan a inscrición dos equipos do Salnés os 9 deportistas que competirán polo Breogán do Grove, os 7 do Depornautic Arousa, nome comercial da sección de piragüismo do Liceo Casino de Vilagarcía, e os 5 do Piragüismo Cambados.

O programa de competición arrincará o sábado ás 10.30 horas coa saída da categoría muller alevín A, coa derradeira regata, a da categoría home infantil A, fixada para as 12.45.

La Voz de Galicia


0 comentarios

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.