Festas de Pontecesures: en 2018 o Domingo do Carme será o segundo domingo de xullo, o día 8.

Publicado por Redacción en

No pleno ordinario de Pontecesures que tivo lugar o pasado luns, fixouse como festa local o día 9 de xullo (Luns do Carme). O alcalde manifestou que os organizadores das festas pediron que as mesmas se trasladasen ao segundo fin de semana de xullo porque o primeiro coincidía con outras festas na comarca, aceptándose a proposta.

O asunto foi introducido por urxencia no pleno polo goberno local, algo que foi moi criticado pola oposición. Cecilia Tarela manifestou que un asunto desa trascendencia non pode ser traído ao pleno por sorpresa sen consultar con ninguén e incluso Jorge Janeiro preguntou se fora estudada a posibilidade de que as festas do Carmen voltaran ao mes de setembro como se facían hai anos.

Cos seis votos favorables do goberno foi aprobado que o día 9 de xullo de 2018 fora festa local, mentres os cinco membros da oposición votaron en contra (tanto da urxencia como da proposta en si).

Foi decidido tamén que o outro festivo local sexa o 8 de xaneiro de 2018, luns, xa que o día 7 de xaneiro (festividade de San Xulián, patrón de Pontecesures) é domingo.


0 comentarios

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.