A actuación aprazada de Milladoiro en Valga será o día 17.
As entradas repartidas no seu día entre os veciños de Valga son válidas para esta nova data.
Día 17 • 20.30 horas • Auditorio municipal • O concerto de Milladoiro previsto para o pasado sábado e que tivo que aprazarse debido ao falecemento dun familiar dun dos compoñentes do grupo, celebrarase finalmente o día 17 de novembro.
As entradas repartidas no seu día entre os veciños de Valga son válidas para esta nova data. Ante a grande expectación que o espectáculo espertou, o Concello pide que se algunha persoa non pode asistir ao concerto, entregue as súas entradas nas oficinas municipais ou no auditorio para que poidan ser utilizadas por outros espectadores.
O valgués Manu Conde presentará o seu último traballo «Atlántico». É o seu primeiro álbum de estudo en dez anos.
La Voz de Galicia
0 comentarios