CAMPAMENTOS DE VERÁN DA XUNTA DE GALICIA (CAMPAÑA DE VERÁN 2019).

Ao abeiro da Orde do 8 de abril de 2019 da Consellería de Política Social da Xunta de Galicia, saeu publicada no Diario Oficial de Galicia (D.O.G. nº 76 do 22/abril/2019) a oferta de prazas en campamentos xuvenís dentro do Programa “CAMPAÑA DE VERÁN-2019” para rapaces/as de 9 a 17 anos. Este programa consiste en estadías de 1 ou 2 semanas en residencias xuvenís tanto en Galicia como noutras Comunidades Autónomas, durante as cales se realizan diferentes actividades, tanto de ocio e lecer como didácticas e deportivas.

O prazo para a solicitude de prazas para estos campamentos é ATA O 7 DE MAIO DE 2019, tendo a disposición de tódolos interesados/as as solicitudes e o resto da documentación na Oficina Municipal de Información Xuvenil na Casa do Concello.

Os interesados/as en participar nestos campamentos poden obter máis información na OMIX (oficina municipal de información xuvenil) do Concello de Pontecesures (Teléf.: 986 56 44 10). Máis información na web da Xunta de Galicia, no seguinte enlace:

http://xuventude.xunta.es/component/k2/item/16698-campana-de-veran-2019