OBRAS DE REFORMA DOS VESTIARIOS DO CAMPO DE FUTBOL MUNICIPAL RAMÓN DIÉGUEZ .

Publicado por CONCELLO DE PONTECESURES en

O equipo de goberno do Concello de Pontecesures ven de adxudicar a obra “Reforma e ampliación dos vestiarios do campo de fútbol municipal de Pontecesures” á empresa GROMA OBRAS S.L. por un importe de 41.583,24€ dos que 23.452,95 son subvencionados pola Xunta de Galicia a través da Axencia Galega de Desenvolvemento Rural “AGADER”, 16.703,97€ son subvencionados pola Deputación de Pontevedra a través do Plan Concellos 2019 e 1.426,30€ son aportados polo Concello de Pontecesures.

Tal como se recolle no propio proxecto, os actuais vestiarios teñen unha capacidade moi reducida para a cantidade de deportistas que fan uso do campo de fútbol, tanto afeccionados como profesionais. Esta falta de capacidade maniféstase de maneira especial cando se celebran torneos con varios equipos, e máis aínda cando se trata de equipos ou torneos mixtos, xa que non resulta posible facilitar espazos de vestiarios para equipos masculinos e femininos. Trátase, ademais, duns vestiarios cunha construción e acabados moi básicos, o que unido a antigüidade das instalacións, fan que resulten actualmente moi deficientes. Presentan, ademais, problemas para dar servizo a persoas con capacidade reducida, tanto para a accesibilidade aos propios vestiarios e servizos, como de uso das propias instalacións.

Nunha única actuación, a de “Reforma e Ampliación dos Vestiarios do Campo de Fútbol Municipal”, preténdese emendar, dentro dos medios dispoñibles, todas as eivas detectadas, aumentando a capacidade dos vestiarios, posibilitando así dispoñer de vestiarios masculinos e femininos nos momentos nos que sexa preciso, e mellorando as condicións de salubridade e accesibilidade das instalacións actuais.


0 comentarios

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.