Celebrouse o día do Pilar en San Xulián.

Na instantánea vemos ao novo presidente da Asociación de Veciños de San Xulián, Manolo Meniño, bailando cunha moza do grupo Algueirada ao remate da actuación de dito grupo cesureño.

Con bo tempo e bastante público, celebráronse os actos da festividade. Houbo pasarrúas, Misa Solemne cantada polo coro Pontecesures, procesión polo lugar e actuación do grupo folclórico Algueirada.

O novo presidente, visiblemente satisfeito, manifestou que para o ano que ven estaban a estudar a celebración de máis actos festivos para que o 12 de outubro sexa un día completo de festa.