Propostas dos socialistas ceureños pola crise da pandemia.

O grupo municipal socialista de Pontecesures ven de rexistrar no concello unha serie de medidas para paliar os efectos da crise provocada polo COVID-Q19:

✅ Incentivos económicos para os establecementos que tiveron que pechar durante o confinamento, ou ben viron moi reducida a súa facturación.
✅ Adquisición de equipos de desinfección portátiles por ozono para a súa utilización en vehículos e instalacións municipais, taxis e negocios locais que así o requerirán.
✅ Suspensión durante un ano da taxa de terrazas, e paralelamente permitir o aumento dos espazos públicos para a súa colocación sen custe adicional.
✅ Creación dunha páxina web con información dos establecementos, así como promover a venda online.
✅ Adquisición de e-bonos para as familias máis desfavorecidas sin acceso a internet.
✅ Campañas de dinamización do comercio e hostelería locais. Pódese contemplar dar a coñecer os seus servizos, ou no caso do comercio, palntexar unha feria de stocks cando se poida levar a cabo.
✅ Dotación a todos os establecementos de xel hidroalcohólico.
✅ Actividades de formación dixital para a poboación.
✅ Incrementar a capacidade da rede wifi.

Consideramos que estas medidas e outras que se puideran levar a cabo, deberían ser discutidas e consensuadas entre as forzas políticas e outros representantes sociais, na procura dun plan que permita sair a Pontecesures canto antes da grave situación económica provocada pola pandemia.

Socialistas de Pontecesures.