Sin Categoria
O Concello de Pontecesures invita a maiores e pequenos a participar no Concurso de Disfraces que terá lugar o 10de febreiro de 2013.
As 16.30 horas todos os participantes deberán estar na rúa Portarraxoi (esquina Rúa Ullán), dende onde sairá ás 17.30 h.o Desfile de Entroido, que pasará pola rúa San Lois, Travesía da Estación, rúa Rosalía de Castro, rúa Sagasta e rematará na Prazuela. O Xurado acompañará o desfile para ter tempo de valorar ós participantes. O percorrido poderá sufrir modificacións, notificándollo antes da saída ós participantes.
As inscricións de grupos poderán realizarse ata as 14.00 horas do venres 8 de febreiro nas Oficinas do Concello. Tamén poderán formalizarse as inscricións o mesmo día do concurso, das 16 h. ata as 17 h. A partir das 17 h. péchase o prazo de inscrición.
Sin Categoria
Aviso para as usuarias da ximnasia de adultos
Durante esta semana, non haberá clases de ximnasia de mantemento, aerobis e ximnasia da terceira idade. As clases destas semana recuperaranse coa maior brevidade.
Sin Categoria
Melloras no Clube Xuvenil
No día de hoxe rematou a segunda fase das obras de remodelación e mellora do local coñecido como Clube Xuvenil. Os traballos consistiron na instalación dun novo chan de tarima flotante e o arreglo de fiestras e persianas.
Os traballos desprázanse agora ao Centro Social, no cal se acometeran diversas obras de acondicionamento. Ata o remate das obras, as actividades que se están a desenvolver no Centro Social, pasan ao local anexo ao Pavillón Polideportivo, mantendo os mesmos horarios.
Sin Categoria
Convocadas as subvencións a clubes deportivos para o ano 2013
Baixo o epígrafe» Bases e subvencións a entidades e clubes deportivos para apoiar o deporte de competición federado para o ano 2013″ a Deputación de Pontevedra ven de convocar no DOP do día de hoxe, as axudas correspondentes aos clubes deportivos federados que fomenten o deporte base.
O prazo de presentación de solicitudes será de 30 días contados a partir de mañán.