O son tradicional invade mañá a parroquia estradense de Ouzande.

O campo da festa acolle a novena edición da Fervenza de Músicas, que conta coa participación de dous grupos locais e agrupacións de Santiago, Dumbría e Pontecesures // A foliada, organizada con fondos propios da asociación, inclúese no programa das festas do Socorro.

A parroquia estradense de Ouzande enchese mañá, venres, de son tradicional coa celebración da novena edición da foliada Fervenza das Músicas, que reúne a centos de artistas vinculados coa música popular galega. O certame, organizado pola asociación Fervenza de Ouzande e incluído no programa das festas do Socorro, foi creado como unha actividade dirixida a promocionar e divulgar a musica galega ??tal como o facía, ata a súa desaparición en 2007, o festival Músicas da Terra?, explican os seus promotores.
Nesta nova edición participan cinco agrupacións de música tradicional e popular, dúas da localidade estradense e as outras tres de Pontecesures, Santiago e Dumbría. ??A iniciativa cumpre o obxectivo fundamental de posibilitar o intercambio cultural e musical con outras iniciativas e grupos semellantes, achegando agrupacións da comarca e de zonas próximas?, dín os membros de Ouzande.
As actuacións dos grupos convidados serán todas «a pe de campo», explican, «mesturándose entre o público, tratando así de recuperar o sabor e ambiente das fooliadas tradicionais, e procurando a maior participación posible dos asistentes».
A IX Foliada terá lugar mañá venres no campo da festa de Ouzande a partires das 22 horas.
No lugar haberá postos de polbo e churrasco, así como servizo de bar. A asociación terá un stand no que porá á venda as camisetas oficiais 2016, deseñadas pola ouzandesa Rosa de Cabanas.
En canto aos grupos abre as actuacións AC Xarandeira de Pontecesures. A agrupación, que ten 50 integrantes de todas as idades, naceu en 2003 no concello pontevedrés por iniciativa dun grupo de personas con inquedanzas polos costumes e o folk galego.

El Correo Gallego

A Galicia marítima.

ESTAMOS a entrar na época outoniza. Segundo as Estacións meteorolóxicas, o outono iniciouse o 1 de setembro e concluirá o 30 de novembro, e seguindo as denominadas Estacións astronómicas principiará o 21 de setembro para finalizar o 20 de decembro. Adoita ser un tempo no que o mar esperta dende unha serea visión na paisaxe a unha escumosa serie de rompentes nas que, ás veces, o vento é unha sorpresa a emerxer do aire.
Dende neno sentín unha especial predilección polos ambientes marítimos. Nacín en Vigo e xa logo de vir vivir deseguida para Compostela, a familia a pesares de ir mal pasando os duros tempos da posguerra facía por achegarse en agosto a Vilagarcía e Carril ou, en ocasións, a algún piso que lle deixaban na Coruña clientes do despacho do meu pai. No pequeno peirao carrilexo, xunto co meu irmán e dous amigos que tamén por alí andaban, aprendín a navegar á vela na barca do vello Pitís no entorno daqueles paraísos arousáns.
A impresionante beleza e a riqueza portuaria dos 1.720 quilómetros de costa do país galego acolle a 128 portos, dos que a Xunta de Galicia (ente público Portos de Galicia) adscritos á Consellería do Mar, xestiona directamente 122. Os outros 6, de maior dimensión e de interese xeral do Estado, dependen do Ministerio de Fomento e son dilixenciados por cinco Autoridades Portuarias: Vigo, Marín, Vilagarcía, A Coruña e Ferrol-San Cibrao. Portos de Galicia está artellado en catro sectores de traballo: Servizos Centrais, emprazados en Santiago de Compostela; Zona Norte xestiona 16 portos desde Ribadeo ata Redes; Zona Centro, xestiona 61 portos desde Mugardos ata Rianxo; Zona Sur, xestiona 45 portos desde Pontecesures ata Tui.
En palabras de José Juan Durán, presidente do Ente Público Portos de Galicia (Consellería do Mar): O sistema portuario galego é un piar fundamental da estrutura económica da nosa Comunidade. Nel sobresae o enorme e espectacular porto natural de Vigo, con 14.000 hectáreas de augas protexidas, resgardado polas Illas Cíes e a península do Morrazo, en funcionamento os 365 días do ano. A maioría da infraestrutura e as instalacións portuarias para o transporte de mercadorías e de pasaxeiros e a pesca, encóntranse no municipio de Vigo, sobre un total de 2.048.854 m2 e a superficie terrestre da Zona de Servizo do Porto alcanza unha área de 2.572.577 m2 en cinco municipios.
Na miña vellez a atracción costeira e naval, a Galicia mareira, persiste na contemplación. Tal foi a razón de irmos ao excelente Porto Interior da badía coruñesa a admirar a espectacular escuadra internacional The Tall Ships Races. Entre as naves de altas velames máis sobresaíntes figuraban Christian Radich, Fryderyk Chopin, Gulden Leeuw, Lord Nelson, Morgenster, Pelican of London, Santa María Manuela, Simón Bolívar, Statsraad Lenhmkuhl, Creoula, Atalaya e mesmo a galega Juan de Lángara. Por suposto, tal e como están as cousas é mellor non falar dese vai e vén das outras mareas que nos pechan o inmediato futuro.

Salvador García Bodaño
El Correo Gallego

Unha placa conmemorativa recorda a Borobó en Cesures.

Na homenaxe do xornalista, a Asociación de Periodistas de Compostela distribuíu un número especial de ??La Noche??.

borobocor

Fotografía de familia ante a placa que recorda a Borobó na que foi a súa casa en Pontecesures.

A vida e obra de Raimundo García Domínguez, Borobó (1916-2003) foron recordadas nunha emotiva homenaxe pública organizada pola Asociación de Periodistas de Santiago (APSC) celebrada onte na casa onde viviu, actual Hotel de Río (Antiga casa Lozano), na súa vila natal de Pontecesures.

Ao acto asistiron profesionais do xornalismo galego, así como veciños, familiares e amigos do que fora director de EL CORREO GALLEGO e La Noche, que foi catalogado unánimemente como ??mestre inesquecible do xornalismo galego contemporáneo?.

Discernir lo esencial.

Maquetación 1

En Memoria de D. José Bande de Castro.

Nació para evangelizar. Con él descubrías que hay en uno algo de salvado, algo más grande y más noble de lo que pensábamos. Era su estilo de anunciar la Buena Nueva (de elevar la dignidad del hombre), la tarea más delicada que conozco, y que él hacía con una sencillez pasmosa.
Con los años, tiempos que creí malgastados tienen más luz que otros que pensé sublimes. Recuerdo los encuentros de jóvenes que convocaba.
Se colaba respetuoso y discreto por los entresijos de las confidencias, atento a comprender el sentimiento de cada persona, a abarcar el principio de cada cosa. Su abordaje era implacable cuando de trataba de enseñar a discernir lo esencial.
Le preocupaba que los seminaristas sondeasen el misterio, que los jóvenes respondiesen, disfrutaba con los niños y sabía que lo pequeño era un paso para lo grande, que lo sutil era el brote de lo obvio.
Más tarde, cuando se le asignó otra feligresía, como cerrando el ciclo de la vida, ayudaba a los mayores a sacudir la soledad.
El 11 de agosto al caer de la tarde, a los 76 años, marchó sin protestar, sin que se notara, como hacía siempre? dejándonos llenos de nostalgia y gratitud.

R.G. A Coruña

CARTAS AL DIRECTOR
El Correo Gallego

Número especial de ??La Noche?? en homenaxe ó mestre Borobó.

borobo

A Asociación de Periodistas de Santiago de Compostela (APSC) celebrará o domingo unha homenaxe a Raimundo García Domínguez, Borobó na súa localidade natal de Pontecesures.
No acto, que se celebrará a partir das 12.00 horas no Hotel Casa do Río da localidade cesureña, a APSC quere recordar ó prezado mestre e espello do xornalismo galego, con motivo do seu centenario e o seu decimo terceiro cabodano. Como acto central, a está previsto celebrar unha mesa aberta ao coloquio no que participarán o xornalista Benxamín Vázquez; o escritor, catedrático e compoñente da Xeración de La Noche Gonzalo R. Mourullo; o debuxante, presidente do Club de Prensa de Ferrol e discípulo de Borobó, Siro López; e o xornalista e fillo do homenaxeado, Raimundo García.
Borobó, que fora directivo da Asociación da Prensa compostelana (hoxe APSC) e director dos xornais EL CORREO GALLEGO e La Noche, o referente inexcusable do mellor periodismo galego durante décadas, do que Borobó se fixo cargo nos seus primeiros momentos. Tamén foi columnista de numerosas publicacións, foi sempre un exemplo na defensa da liberdade de expresión e na dignidade profesional, sobre todo en tempos difíciles onde sortear a censura era, máis ca unha habelencia persoal, un risco para a propia existencia.
Coa fin de lembrar a extensa obra e a singular figura do prestixioso xornalista, a APSC ten preparado diversas actividades ese día, nas que destaca a edición dun número especial de La Noche, dedicado ao ilustre periodista que dirixiu o ???nico diario de la tarde en Galicia?, desde 1959 ata 1965.
Tamén se procederá a o descubrimento dunha praca conmemorativa na casa onde vivíu, a lectura de textos e a reprodución dunha entrevista feita ao impulsor da recoñecida Xeración de La Noche, que formou parte das avangardas literarias da posguerra.
Este acto é unha nova mostra de recoñecemento da localidade de Pontecesures da que de Raimundo Domínguez é Fillo Predilecto. No pasado mes de xullo celebrouse no cemiterio local de San Xulián a colocacion dunha praca e unha ofrenda floral, nunha cerimonia organizada polo concello e que contou coa asistencia, entre outras autoridades do secretario xeral de Cultura, Anxo Lorenzo e o presidente da real Academia Galega, Xesús Alonso Montero, entre outras autoridades relacionadas co mundo da Cultura de Galicia.
O escritor e maestro de periodistas finou a noite do 28 de agosto de 2002 en Santiago de Compostela ós 87 anos de idade, despois dunha longa enfermidade.

El Correo Gallego