O CEIP Plurilingüe Baño-Xanza celebrou esta mañá á cuarta edición das
Xornadas Deportivas, unha actividade organizada pola ANPA en
colaboración coa dirección do colexio e o Concello.
Nas competicións deportivas participaron os 310 alumnos do centro,
tanto os nenos de Educación Infantil como os rapaces de Primaria. Houbo
carreiras de relevos, partidos de baloncesto e torneo de fútbol que
contou coa participación dos árbitros asistentes Alfonso Costoya,
valgués que arbitra dende hai anos en Primeira División, e Enrique
Ramos, veciño de Pontecesures e agora na Segunda División.
Ao remate das actividades, tivo lugar o acto de entrega de diplomas e
medallas, aportadas polo Concello. Ademais, a ANPA sorteou diversos
regalos –tazas, gorras, camisetas, balóns…– entre os rapaces.
Os centros educativos de Valga están xa inmersos nas actividades e
celebracións de fin de curso. No CEIP Baño-Xanza mañá pola mañá terá
lugar un festival con inchables e unha xincana no patio do colexio e,
pola tarde, o pavillón municipal albergará unha festa da ANPA con
colchonetas, xogos e, a partir das 20 horas, pinchos para todas as
persoas que queiran asistir e actuación dun dúo musical.
O CEP Xesús Ferro Couselo de Cordeiro tamén celebra mañá o seu festival de fin de curso. Será no Auditorio Municipal a partir das 16:30 horas.
El Correo Gallego
