Por 4 goles a 3, gañaron os casados aos solteiros no partido de fútbol disputado na tarde de hoxe no campo «Ramón Diéguez» de Pontecesures, con motivo das festas da Virxe dos Anxos de Carreiras.
A pesar do dominio territorial dos solteiros, os casados gañaron o encontro. Foi decisiva a actuación dos porteiros. Estivo moito máis acertado o dos casados e iso resultou decisivo para o resultado final.
Deportes
Logo do seu empate fóra, o «Joyería Riveiro» segue na terceira posición.
A dous goles, empatou o sábado pasado o «Joyería Riveiro» de fútbol veterano en Tenorio. Agora a formación cesureña marcha na terceira posición da táboa con 29 puntos (leva 14 encontros xogados, dos que gañou 8, empatou 5 e só perdeu 1; marcando 37 goles e encaixando 15).
O vindeiro sábado enfróntase ao Miramar, que vai en quinta posición con 26 puntos, en Pontecesures.
Deportes
Torneo de nadal Concello de Pontecesures.
No campo de fútbol Ramón Diéguez, haberá o venres 26 de decembro encontros de fútbol deste torneo co seguinte harario:
Categoría benxamín «A»: PONTECESURES C.F.-PONTEVEDRA C.F., ás 11:00 horas.
Categorías benxamín «B» e prebenxamín: PONTECESURES C.F-CORDEIRO C.F., a partir das 16:30 horas.
Organiza o Pontecesures C.F e colabora o Concello de Pontecesures.
Sociedade
Programa das festas 2009 da «Virxe dos Anxos» en Carreiras.
Sábado día 3 de xaneiro
-Ás 17:00 horas no campo de fútbol Ramón Diéguez de Pontecesures, partido de futbol de solteiros contra casados.
Sábado día 10 de xaneiro
-Polá mañá bombas de palenque e alborada da charanga Apeles.
-Ás 12:30 horas, Misa Solemne na Igrexa Parroquial cantada polo coro de A Barcarola de Pontecesures.
-Despois, no campo da festa, Poxa de Ramos e sesión vermouth amenizada pola orquestra Pontevedra.
-Pola noite gran verbena coa actuación das orquestras Pontevedra e Suavecito.
Domingo día 11 de xaneiro
-Ás 16:00 haberá no campo da festa colchonetas gratuitas para nenos e maiores da empresa Diverneno.
-Ás 18:00 horas será servida alí a gran chocolatada con churros.
-Ás 19:00 actuará o dúo musical ?bice Capital como remate da festa.
Será instalada unha carpa, e a Comisión agradece a colaboración dos veciños, das casas comerciais, de Radio Valga, da Deputación de Pontevedra e do Concello de Pontecesures.
Curiosidades
O partido de fútbol de solteiros contra casados das festas de Carreiras, será, finalmente, o 3 de xaneiro.
Comezará dito sábado 3 as 17:00 horas no campo de fútbol «Ramón Diéguez» de Pontecesures, este interesante encontro de fútbol. ? o primeiro acto do programa de festas elaborado pola Comisión de Festas da Virxe dos Anxos de Carreiras 2009.
Curiosidades
Anunciase un atractivo partido de fútbol solteiros contra casados para as festas de Carreiras.
Para as festas da «Reina de los Ángeles» en Carreiras, que terán lugar o segundo fin de semana de xaneiro, está prevista a celebración deste encontro a disputar no remozado campo de fútbol de Pontecesures.
Na tenda de Salvador estiveron apuntándose, perante estes días, os veciños de Carreiras para formar parque das equipas, segundo o seu estado civil (os nomes de 12 ou trece nomes por equipa xa están no taboleiro). O partido está a crear expectación e xa se realizan prognósticos de todo tipo en canto ó resultado.