p(centrado). 
O nacionalista Manuel Luis Álvarez Angueira afronta a recta final da súa segunda lexislatura á fronte do Concello de Pontecesures; un mandato duro no que a ruptura do goberno tripartito que compartía cos independentes Luis Ángel Sabariz e Maribel Castro – que aínda segue a ser a súa socia – deu un xiro a situación municipal. En minoría, a gobernabilidade complicouse pero Angueira está satisfeito das cousas logradas «a pesar da oposición», á que acusa de «acosarme permanentemente». Segue a ter ilusión por traballar polo municipio e, por iso, avanza que optará de novo á reelección nos comicios de maio de 2007 cun obxectivo claro: acadar a maioría absoluta.
A unha da madrugada o golf B-1233-KG que ía pola estrada nacional en dirección a Padrón a gran velocidade derrapou e colisionou contra o petril de pedra que vai por riba do paso peonil que une o aparcadoiro da antiga Casa Castaño coa rúa Cantillo, e contra o valado quitamedos que protexe o cruceiro de San Xulián xa preto da estación de servizo da ponte. Caeron dúas grandes pedras (unha polo talud, e outra ao camiño) e quedou outra arriba tambaleante con gran risco de caída. Tamén foi derrubada unha pequena columna das catro que protexen ao cruceiro cunha cadea. Este concelleiro avisou ao Servizo de Mantemento da Unidade de Estradas de Pontevedra e innmediatamente se retirou a pedra ameazante e foi sinalizada a zona. Maña serán colocadas as pedras do petril e arranxada a parte que afecta ao cruceiro.