O Goberno de Pontecesures ven de efectuar durante toda esta semana limpezas de desbroce con un tractor por distintos lugares. Estas limpezas eran demandadas por veciños, e atendendo a estas peticións contratouse un tractor que fixo durante esta semana distintos percorridos:
– Pozo da Cornelia, monte de Porto, Calera e rúa do Campo.
– Pista do regadio e zona de Baño dende Chanteclair.
– Pista da Barosa e subida o Mirador do Galiñeiro.
– Estrada de Grobas e a Fenteira.
– Patio do Colexio, e arredores.
Agardamos que con estas limpezas foran satisfeitas as demandas da veciñanza.
Tamén solicitamos a colaboración veciñal para que manteñan limpas as súas propiedades, e as beiras dos camiños lindeiras con estas, para manter en bo estado o patrimonio de todos, como son os distintos camiños que discurren polo noso Concello.
