Hoxe venres, 8 de agosto, ás 20:30h, a Plazuela de Pontecesures acolle un obradoiro de baile latino co alumnado que participa nesta actividade organizada polo Concello.
Trátase dunha actividade gratuíta e ao aire libre, coa que se pretende achegar a danza e o movemento a veciños e veciñas de todas as idades. O obradoiro de baile é unha das propostas culturais do verán pontecesurense, dentro do programa de actividades do Concello de Pontecesures.
Non faltes á Plazuela esta noite!
Mércores 19 de agosto
Ás 16:30h, festa infantil con colchonetas e xogos de auga, toro mecánico, pista americana, hinchables de saltar e festa da espuma. Verbena co grupo Unión y Fuerza.
Xoves 20 de agosto
Ás 9:00h, gran disparo de bombas anunciando as festas. Á tardiña, actuación do Grupo Folclórico Xarandeira. Ás 22:00h, capachos de mexillóns para todos na tradicional XXXIII Mexillonada, con viño do bo, cervexa e pan. Gran verbena con Tania Veiras y Los Cumbiapop e Marbella.
Venres 21 de agosto
Ás 8:00h, gran disparo de foguetes para levantar a todos. Ás 9:00h, alborada a cargo da Banda de Música de Catoira. Ás 12:00h, misa solemne cantada pola Coral Polifónica A Barcarola. A continuación, gran poxa de ramos. Gran verbena con Ritmo e La Fórmula. Ao remate, baile con Aquelar.
As festas contan co apoio do Concello de Pontecesures e da Deputación de Pontevedra.
O próximo martes 12 de agosto poderase observar un eclipse solar parcial dende Pontecesures, e dende o Galiñeiro haberase un espazo de observación para gozar deste fenómeno astronómico.
Trátase dun eclipse solar total visible no norte de España, mentres que dende a nosa zona se verá como parcial, pero igualmente espectacular. A sombra da Lúa percorrerá España en dirección sueste a última hora da tarde.
Horarios dende Pontecesures:
🕐 19:32h — Inicio do eclipse parcial
🟠 20:29h — Máximo do eclipse
O Galiñeiro será un bo punto de observación dende o que contemplar o fenómeno. Recoméndase usar gafas de sol especializadas para eclipses ou filtros certificados, xa que mirar directamente ao sol sen protección pode causar danos irreversibles nos ollos.
O Concello de Padrón lamenta profundamente o falecemento de 𝐀𝐧𝐚 𝐁𝐞𝐥𝐞́𝐧 𝐂𝐚𝐬𝐭𝐫𝐨 𝐆𝐚𝐫𝐜𝐢́𝐚, concelleira do Goberno municipal desde 2023.
En sinal de respecto e homenaxe, o Goberno local acordou 𝐝𝐞𝐜𝐫𝐞𝐭𝐚𝐫 𝐝𝐨𝐮𝐬 𝐝𝐢́𝐚𝐬 𝐝𝐞 𝐥𝐨𝐢𝐭𝐨 𝐨𝐟𝐢𝐜𝐢𝐚𝐥.
O alcalde, Anxo Arca, expresou o pesar de todo o Goberno e destacou o compromiso de Ana Castro co servizo público:
“𝑃𝑎𝑑𝑟𝑜́𝑛 𝑝𝑒𝑟𝑑𝑒 𝑢𝑛ℎ𝑎 𝑠𝑒𝑟𝑣𝑖𝑑𝑜𝑟𝑎 𝑝𝑢́𝑏𝑙𝑖𝑐𝑎 𝑒𝑛𝑜𝑟𝑚𝑒𝑚𝑒𝑛𝑡𝑒 𝑐𝑜𝑚𝑝𝑟𝑜𝑚𝑒𝑡𝑖𝑑𝑎 𝑐𝑜 𝑛𝑜𝑠𝑜 𝑝𝑜𝑏𝑜. 𝑈𝑛ℎ𝑎 𝑐𝑜𝑛𝑐𝑒𝑙𝑙𝑒𝑖𝑟𝑎 𝑐𝑜𝑚𝑝𝑒𝑡𝑒𝑛𝑡𝑒 𝑞𝑢𝑒 𝑑𝑒𝑑𝑖𝑐𝑜𝑢 𝑜𝑠 𝑡𝑟𝑒𝑠 𝑢́𝑙𝑡𝑖𝑚𝑜𝑠 𝑎𝑛𝑜𝑠 𝑑𝑎 𝑠𝑢́𝑎 𝑣𝑖𝑑𝑎 𝑎 𝑡𝑟𝑎𝑏𝑎𝑙𝑙𝑎𝑟 𝑝𝑎𝑟𝑎 𝑚𝑒𝑙𝑙𝑜𝑟𝑎𝑟 𝑎 𝑐𝑎𝑙𝑖𝑑𝑎𝑑𝑒 𝑑𝑒 𝑣𝑖𝑑𝑎 𝑑𝑎 𝑛𝑜𝑠𝑎 𝑣𝑒𝑐𝑖𝑛̃𝑎𝑛𝑧𝑎 𝑥𝑒𝑠𝑡𝑖𝑜𝑛𝑎𝑛𝑑𝑜 𝑎́𝑟𝑒𝑎𝑠 𝑑𝑒 𝑔𝑟𝑎𝑛 𝑐𝑜𝑚𝑝𝑙𝑒𝑥𝑖𝑑𝑎𝑑𝑒. 𝑈𝑛ℎ𝑎 𝑝𝑒𝑟𝑠𝑜𝑎 𝑏𝑜𝑎 𝑒 𝑥𝑒𝑛𝑒𝑟𝑜𝑠𝑎 𝑐𝑜𝑚𝑝𝑟𝑜𝑚𝑒𝑡𝑖𝑑𝑎 𝑠𝑒𝑚𝑝𝑟𝑒 𝑎𝑜 𝑐𝑒𝑛 𝑝𝑜𝑟 𝑐𝑒𝑛 𝑐𝑜𝑎 𝑠𝑢́𝑎 𝑓𝑎𝑚𝑖𝑙𝑖𝑎 𝑒 𝑠𝑒𝑚𝑝𝑟𝑒 𝑑𝑖𝑠𝑝𝑜𝑠𝑡𝑎 𝑎 𝑏𝑜𝑡𝑎𝑟 𝑢𝑛ℎ𝑎 𝑚𝑎𝑛 𝑒𝑛 𝑡𝑜𝑑𝑜 𝑎𝑞𝑢𝑒𝑙𝑜 𝑛𝑜 𝑞𝑢𝑒 𝑝𝑜𝑑𝑖́𝑎 𝑟𝑒𝑠𝑢𝑙𝑡𝑎𝑟 𝑑𝑒 𝑎𝑥𝑢𝑑𝑎”.
O rexedor engadiu tamén:
“𝐶𝑜𝑚𝑜 𝐺𝑜𝑏𝑒𝑟𝑛𝑜 𝑑𝑒 𝑃𝑎𝑑𝑟𝑜́𝑛, 𝑝𝑒𝑟𝑜 𝑠𝑜𝑏𝑟𝑒 𝑡𝑜𝑑𝑜 𝑐𝑜𝑚𝑜 𝑐𝑜𝑚𝑝𝑎𝑛̃𝑒𝑖𝑟𝑜𝑠 𝑒 𝑐𝑜𝑚𝑝𝑎𝑛̃𝑒𝑖𝑟𝑎𝑠, 𝑐𝑜𝑚𝑜 𝑎𝑚𝑖𝑔𝑎𝑠 𝑒 𝑎𝑚𝑖𝑔𝑜𝑠, 𝑎𝑔𝑟𝑎𝑑𝑒𝑐𝑒𝑚𝑜𝑠 𝑝𝑟𝑜𝑓𝑢𝑛𝑑𝑎𝑚𝑒𝑛𝑡𝑒 𝑡𝑒𝑟 𝑡𝑖𝑑𝑜 𝑎 𝑜𝑝𝑜𝑟𝑡𝑢𝑛𝑖𝑑𝑎𝑑𝑒 𝑑𝑒 𝑠𝑒𝑟𝑣𝑖𝑟 𝑜 𝑛𝑜𝑠𝑜 𝑝𝑜𝑏𝑜 𝑥𝑢𝑛𝑡𝑜 𝑎 𝐴𝑛𝑎 𝑛𝑒𝑠𝑡𝑒 𝑚𝑎𝑛𝑑𝑎𝑡𝑜 𝑛𝑜 𝑞𝑢𝑒, 𝑒𝑛𝑡𝑟𝑒 𝑡𝑜𝑑𝑜𝑠 𝑒 𝑡𝑜𝑑𝑎𝑠, 𝑒𝑠𝑡𝑎𝑚𝑜𝑠 𝑎 𝑐𝑜𝑛𝑠𝑒𝑔𝑢𝑖𝑟 𝑔𝑟𝑎𝑛𝑑𝑒𝑠 𝑎𝑣𝑎𝑛𝑐𝑒𝑠 𝑝𝑎𝑟𝑎 𝑃𝑎𝑑𝑟𝑜́𝑛.
𝑁𝑎 𝑠𝑢́𝑎 𝑚𝑒𝑚𝑜𝑟𝑖𝑎, 𝑡𝑒́𝑛𝑑𝑜𝑎 𝑠𝑒𝑚𝑝𝑟𝑒 𝑝𝑟𝑒𝑠𝑒𝑛𝑡𝑒, 𝑜 𝐺𝑜𝑏𝑒𝑟𝑛𝑜 𝑑𝑒 𝑃𝑎𝑑𝑟𝑜́𝑛 𝑠𝑒𝑔𝑢𝑖𝑟𝑎́ 𝑡𝑟𝑎𝑏𝑎𝑙𝑙𝑎𝑛𝑑𝑜 𝑐𝑜𝑛 𝑡𝑜𝑑𝑎 𝑎 𝑐𝑎𝑝𝑎𝑐𝑖𝑑𝑎𝑑𝑒 𝑝𝑎𝑟𝑎 𝑐𝑜𝑛𝑡𝑖𝑛𝑢𝑎𝑟 𝑛𝑒𝑠𝑡𝑎 𝑠𝑒𝑛𝑑𝑎 𝑑𝑒 𝑝𝑟𝑜𝑔𝑟𝑒𝑠𝑜. 𝑆𝑎𝑏𝑒𝑚𝑜𝑠 𝑞𝑢𝑒 𝑒́ 𝑜 𝑞𝑢𝑒 𝐴𝑛𝑎 𝐶𝑎𝑠𝑡𝑟𝑜 𝑞𝑢𝑒𝑟𝑖́𝑎 𝑒 𝑎𝑠𝑖́ 𝑜 𝑓𝑎𝑟𝑒𝑚𝑜𝑠”.
A capela ardente está instalada no 𝐓𝐚𝐧𝐚𝐭𝐨𝐫𝐢𝐨 𝐝𝐞 𝐏𝐚𝐝𝐫𝐨́𝐧. O funeral celebrarase o 𝐯𝐞𝐧𝐫𝐞𝐬 𝐩𝐨𝐥𝐚 𝐦𝐚𝐧̃𝐚́ 𝐧𝐚 𝐩𝐚𝐫𝐫𝐨𝐪𝐮𝐢𝐚 𝐝𝐞 𝐁𝐚𝐦𝐢𝐨 e, posteriormente, Ana Castro será incinerada na intimidade familiar.
Por expreso desexo de Ana Castro, 𝐧𝐨𝐧 𝐬𝐞 𝐚𝐝𝐦𝐢𝐭𝐞𝐧 𝐟𝐥𝐨𝐫𝐞𝐬. Quen desexe renderlle homenaxe pode destinar ese importe a 𝐮𝐧 𝐝𝐨𝐧𝐚𝐭𝐢𝐯𝐨 𝐩𝐚𝐫𝐚 𝐚 𝐢𝐧𝐯𝐞𝐬𝐭𝐢𝐠𝐚𝐜𝐢𝐨́𝐧 𝐜𝐨𝐧𝐭𝐫𝐚 𝐨 𝐜𝐚𝐧𝐜𝐫𝐨, cumprindo así a súa vontade.
O Concello de Padrón traslada o seu máis sentido pésame á súa familia, amizades e persoas achegadas, compartindo con elas a dor por esta irreparable perda
CONCELLO DE PADRÓN
Ayer a las doce de la mañana entró en la catedral la peregrinación arciprestal de Iria Flavia que trajo a Santiago una considerable multitud.
Es un arciprestazgo ya que comprende 250 kilómetros cuadrados con una población de cerca de cuarenta mil habitantes de parroquias enclavadas en los ayuntamientos de Padrón, Rianxo, Catoira, Dodro, Pontecesures y Valga,
Sección HACE 50 AÑOS
El Correo Gallego
O Concello de Pontecesures ven de recepcionar as obras de peche exterior no conxunto histórico da Cerámica Celta – Caleras do Ulla, así como a eliminación de maleza e restos vexetais das fachadas dos fornos.
Tras a recente recuperación destes terreos para o concello o pasado mes de xaneiro,𝐚 𝐩𝐫𝐢𝐨𝐫𝐢𝐝𝐚𝐝𝐞 é 𝐠𝐚𝐫𝐚𝐧𝐭𝐢𝐫 𝐚 𝐬𝐞𝐠𝐮𝐫𝐢𝐝𝐚𝐝𝐞 𝐞 𝐚 𝐜𝐨𝐧𝐬𝐞𝐫𝐯𝐚𝐜𝐢ó𝐧 𝐝𝐞𝐬𝐭𝐞 𝐭𝐞𝐬𝐨𝐮𝐫𝐨 𝐝𝐚 𝐚𝐫𝐪𝐮𝐢𝐭𝐞𝐜𝐭𝐮𝐫𝐚 𝐢𝐧𝐝𝐮𝐬𝐭𝐫𝐢𝐚𝐥.
𝐂𝐮𝐧 𝐢𝐧𝐯𝐞𝐬𝐭𝐢𝐦𝐞𝐧𝐭𝐨 𝐝𝐞 𝟑𝟗.𝟒𝟏𝟎,𝟐𝟗 € protexemos os bens que aínda se conservan na antiga fábrica e realizáronse tarefas de retirada de maleza das edificacións
Instalación dun novo enreixado metálico de 2 metros sobre o muro de pedra actual.
Colocación de dous novos portais corredeiros para controlar o acceso.
Nova sinalética de aceiro para identificar este emblemático conxunto.
Asemade, 𝐝𝐞𝐬𝐭𝐢𝐧á𝐫𝐨𝐧𝐬𝐞 𝟏𝟔.𝟔𝟗𝟖 𝐞𝐮𝐫𝐨𝐬 á redacción do “𝗣𝗹𝗮𝗻 𝗗𝗶𝗿𝗲𝗰𝘁𝗼𝗿 𝗽𝗮𝗿𝗮 𝗮 𝗥𝗲𝗰𝘂𝗽𝗲𝗿𝗮𝗰𝗶ó𝗻 𝗱𝗼 𝗘𝘀𝗽𝗮𝘇𝗼 𝗖𝗲𝗿á𝗺𝗶𝗰𝗮 𝗖𝗲𝗹𝘁𝗮”, adxudicado ao arquitecto Luis Gil Pita. O plan redáctase coa vocación de 𝐦𝐚𝐫𝐜𝐚𝐫 𝐚𝐬 𝐩𝐚𝐮𝐭𝐚𝐬 𝐩𝐚𝐫𝐚 𝐚 𝐩𝐨𝐬𝐭𝐚 𝐞𝐧 𝐯𝐚𝐥𝐨𝐫 𝐞 𝐫𝐞𝐡𝐚𝐛𝐢𝐥𝐢𝐭𝐚𝐜𝐢ó𝐧 𝐝𝐞𝐬𝐭𝐞 𝐩𝐚𝐭𝐫𝐢𝐦𝐨𝐧𝐢𝐨 𝐢𝐧𝐝𝐮𝐬𝐭𝐫𝐢𝐚𝐥 𝐞 𝐜𝐮𝐥𝐭𝐮𝐫𝐚𝐥, 𝐜𝐨 𝐟𝐢𝐧 𝐝𝐞 𝐢𝐧𝐭𝐞𝐠𝐫𝐚𝐫 𝐧𝐨𝐯𝐨𝐬 𝐮𝐬𝐨𝐬, 𝐭𝐚𝐧𝐭𝐨 𝐡𝐢𝐬𝐭ó𝐫𝐢𝐜𝐨𝐬(divulgación da traxectoria da Calera e da Cerámica Celta)𝗲 𝗰𝗼𝗻𝘁𝗲𝗺𝗽𝗼𝗿á𝗻𝗲𝗼𝘀, destinados a resignificar o lugar como espazo de encontro social e cultural.
Este proxecto é fundamental para a futura rehabilitación da zona como recurso turístico, apostando pola autenticidade do noso pasado artesanal, máis tamén como espazo de lecer e de recuperación e divulgación dun dos maiores fitos culturais e industriais da historia do Concello de Pontecesures.
Actuación financiada pola Asociación Mar de Santiago a través dos fondos NextGenerationEU da Unión Europea.
CONCELLO DE PONTECESURES
Polbeiras, xeiteiras, unha buceta, un bote, unha gamela, unha traíña, un galeón, un volanteiro… Trinta embarcacións tradicionais sucaron este sábado os ríos Ulla e Sar, dende Rianxo ata Padrón, con Rosalía de Castro por bandeira.
Nove barcos zarparon do porto de Rianxo ás 10.30 horas para formar a espectacular frota da Inchadiña Branca Vela, mais a maioría saíron da praia fluvial de Vilarello (Cordeiro, Valga) remontando o río Ulla e o Sar.
Foi unha navegación rápida, debido ao vento e a marea a favor, que axudou tanto na subida a vela como a remo no tramo do Sar.
Foron máis de 20 dornas (de diferente tipo: polbeiras, de tope, xeiteiras), unha buceta, un bote de Noia, unha gamelas da Guarda, unha traíña, un galegón do Ulla e o impresionante volanteiro da Guarda (O Piueiro) co velame dedicado a Rosalía.
Todas elas responderon á convocatoria da Fundación Rosalía de Castro e a A.C. Dorna da Arousa, coa colaboración dos concellos de Padrón, Rianxo, Catoira, Dodro e Valga.
Á súa chegada a Padrón, pasadas as seis da tarde, as embarcacións participantes homenaxearon a Rosalía de Castro cun fermoso despregamento de velas.
Ao pé do Paseo do Espolón os barcos flamexaron as velas ao ritmo da Marcha do Antigo Reino de Galicia e houbo unha ofrenda floral ante a estatua de Rosalía.
A continuación, os mariñeiros e mariñeiras ofreceron os seus remos á ilustre autora. Ademais, o cantautor Secho, de Dodro, interpretou o tema Inchadiña Branca Vela para os presentes.
No acto participaron os alcaldes de Padrón, Anxo Arca; Rianxo, Julián Bustelo; e Dodro, Francisco Xabier Castro.
Esta actividade celebrouse por primeira vez no ano 2013, para conmemorar o 150 aniversario da publicación de Cantares gallegos.
A iniciativa xurdiu co obxectivo e recuperar a imaxe das dornas que Rosalía inmortalizou nos seus versos mentres remontaban o Ulla, unha imaxe moi habitual no século XIX, cando este río era unha importante vía de comunicación e comercio.
A Fundación Rosalía de Castro propúxolle á Escola de Navegación Tradicional Dorna da Illa da Arousa renderlle homenaxe a Rosalía de Castro desde o mar, desde a súa cultura e a súa xente.
El Correo Gallego
Herbón non tivo que agardar onte a que o aroma dos pementos fritidos enchera o ambiente da carballeira do convento franciscano para que este espazo se quedara pequeno para acoller a todos os amantes do auténtico produto. Dende 1978, coa excepción dos anos do covid, a parroquia de Padrón convida o primeiro sábado de agosto a degustar o auténtico pemento, ese que mesmo levou onte a Herbón a un equipo da televisión coreana para gravar un programa de viaxes, así como a centos de persoas, entre elas moitos visitantes, que gustan especialmente desta festa declarada de interese turístico de Galicia.
A cita está organizada por unha comisión de veciños da parroquia e un deles resumiu moi ben ante as cámaras coreanas a esencia da festa gastronómica: é a conxunción dun produto único coa hospitalidade do pobo, da xente que traballa o cultivo.
Foi algo que tamén destacou o pregoeiro desta edición, o presentador e comunicador Duarte Galbán, quen fixo unha defensa acendida do pemento de Herbón, que non de Padrón, e tamén das mulleres e homes que fan posible que se traballe o cultivo tantos anos despois de que a planta fose traída polos frades á parroquia. «Falar da festa do pemento de Herbón é falar de traballo, terra, identidade, cultura e de país», asegurou o pregoeiro que mesmo entoou unha regueifa dedicada á cita ao estilo do popular Pinto d´Herbón.
Tanto o pregoeiro como o propio condutor do acto institucional, ao que asistiu o alcalde de Padrón, Anxo Arca, fixeron un chamamento á xuventude para que se una á comisión organizadora da festa, co fin de mantela no tempo, tendo en conta ademais que o cultivo do pemento arrastra un grave problema de relevo xeracional. «Só co traballo da xente nova e con vontade vivirá moitos anos máis», asegurou Héctor Bermúdez, de Radio Valga.
Esta edición tivo, ademais, unha lembranza especial para os membros da comisión que xa non están ou non poden asistir, e tamén unha mención para aqueles veciños que se viron afectados polo incendio forestal e para os que colaboraron nas tarefas de extinción, tal e como lembrou o pregoeiro.
Polo demais, os asistentes á festa chegaron cedo á carballeira do convento para mercar os vales (5 euros) cos que recollían un prato conmemorativo cunha ración de pementos, cachelos e pan de millo. Había 1.000 pratos dispoñibles e servíronse máis de 3.000 racións xa que, unha vez que todos tiveron a primeira entrega, podíase repetir ata esgotar existencias. Sen comer pementos só marchou quen quixo, como un veciño da parroquia, que reside en Valga, e que acudiu á festa só a mercar o prato conmemorativo, como fai cada edición dende hai 46 anos.
«Vin polos pementos e quedei pola festa» é o lema da cita, escrito nas camisetas que vendeu a comisión para recadar fondos e que se esgotaron nas tallas grandes, e que se fai realidade cada primeiro sábado de agosto, data elixida pola parroquia para exaltar o auténtico pemento, nunha xornada na que tamén saca os tractores engalanalos con motivos da terra para ir ata Padrón a ensinar o traballo dos produtores e a realizar unha ofrenda floral ante a estatua da Pementeira. Este ano foron 34 tractores e houbo premios para eles.
La Voz de Galicia