Sin Categoria

Festividade do Pilar en San Xulián

Os cultos na honra da Virxe do Pilar comezan hoxe coa misa e a novena ata o día 11 de outubro (sempre ás 19 horas na capela). Oficiará as misas o párroco de Pontecesures, Arturo Lores Santamaría.

O día 12 de outubro pola mañá terá lugar o pasarrúas a cargo do grupo folclórico Algueirada de Pontecesures. Ás 12 horas comezará a misa solemne cantada pola Coral Polofónica Pontecesures. Ao remate sairá a procesión pola rúa do Pilar de San Xulián e a continuación actuará o grupo Algueirada.

Os actos están organizados pola Asociación de Veciños de San Xulián e o custo da misa solemne é afrontado por Honorina Balseiro Pardal.

Por Antonio Cortés, fai

Contratación de 3 postos de traballo dos Programas de cooperación 2013

A Consellería de Traballo, a través dos Programas de ??Cooperación? 2013, ven de conceder unha subvención por importe de 27.249,48 ? ao Concello de Pontecesures para a contratación de 3 persoas desempregadas.

En concreto, os postos concedidos son os de 2 auxiliares de xardinería, cunha duración de 4 ½ meses de contrato, e unha xornada a tempo parcial de 5 h. ½ horas de traballo diario. Realizarán labores de limpeza de camiños, xardíns e regatos municipais.

O outro posto concedido é o de Técnico de Protección Civil, para realizar labores de reforzo da seguridade no concello, tendo especial conta da Ruta portuguesa do Camiño de Santiago e da Ruta Fluvial. Tamén ten unha xornada de 5 ½ h, e unha duración de 12 meses.

A selección dos candidatos será a través do INEM, e iniciarase nos vindeiros días, para o cal aquelas persoas interesadas deberán figurar anotados para estes postos nas súas bases de datos. Os códigos das ocupacións son, o CNO: 95121019 no caso dos auxiliares de xardiñeria; e o 59991036 no caso do técnico de protección civil. A data de inicio dos contratos é do 15/10/2013 como data tope.

Por CONCELLO DE PONTECESURES, fai