Hoxe comeza o obradoiro. A ACP denuncia deficiencias.

Publicado por Luis Angel Sabariz Rolán en

NOTA DA AGRUPACI?N CIDADÁ DE PONTECESURES (ACP)

Mañá día 26 comezo o obradoiro de emprego de Pontecesures que está composto por 36 alumnos-traballadores nas especialidades de albanelería (12), carpintería (7), xardinería (10) e axuda no fogar (7).
As actividades vanse desenvolver na nave municipal situada na rúa Pousa Antelo (fronte ao CPI Pontecesures) agás a especialidade de axuda no fogar que terá lugar no Centro Social.
Como se temía esta agrupación, non foi executada a obra de remodelación da nave que, por importe de 60.000 ?, está incluída no Programa Operativo Local da Deputación de Pontevedra. Así a reparación da cuberta (hai pingueiras cando chove) e a colocación da nova instalación eléctrica aínda non se fixo a pesar de que mañá comezan as actividades.
Lémbrase que na actualidade a instalación eléctrica é irregular pois Unión Fenosa concedeu autorización no se día para o subministro tendo en conta que había un motor dun pozo preto do recinto. E necesario tramitar, co correspondente proxecto, a nova alta en Unión Fenosa e executar as obras na nova cumprindo a normativa. Ogallá non ocorra nada grave neste comezo das actividades do obradoiro.
Queremos denunciar a desidia do alcalde e do grupo de goberno neste tema. Polo seu desinterese agora terá que realizarse a obra de remodelación da nave (xa está adxudicada a Obras y Edificaciones Seixo) mixturada coas actividades docentes no local. E a típica «chapuza» pola improvisación do goberno local.

Pontecesures, 25 de decembro de 2006

Luis Angel Sabariz Rolán
Concelleiro da ACP de Pontecesures.


0 comentarios

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.