A 3.248 € ascende a restauración do cruceiro da Praza dos Valeiros de Porto.
A empresa CASTELO OBRADOIRO DE PEDRA de Picaraña-Padrón enviou ó concello o orzamento da rehabilitación deste emblemático cruceiro cuia cruz foi derrubada ao montar un palco dunha orquestra na tarde do día 24 de agosto (Festas de San Roque de Porto). A cruz parteuse en vinte anacos e agora vaise restaurar.
O orzamento foi enviado á compañía aseguradora da empresa causante dos danos e tamén se vai elaborar, pola empresa que vai facer os traballos, unha memoria das tarefas a realizar para remitir á Delegación Provincial de Cultura que ten que dar o visto bo á actuación.
O equipo de goberno do concello de Pontecesures, está tratando de activar tódalas cuestións para que o cruceiro sexa arranxado canto antes como demanda a cidadanía.
(9 votes, average: 4.11 out of 5)
Loading ...2 Respuestas a “A 3.248 € ascende a restauración do cruceiro da Praza dos Valeiros de Porto.”
Comenta:
Eu non o vin, pero si só foi en vinte cachos, tampouco é para tanto.
A administración que no ámbito sanitario ten as colas que ten, ¿qué agardamos se o ámbito de actuación é a recuperación do patrimonio cultural?
Que traian os cachos do cruceiro que seguramente hai xente na Asociación cultural do S.R. de Porto disposta a arrombalo.
Pasan os veciños pola praza dos Valeiros e “por defecto” persignanse como se o Crucifixo alí estivera, esto é unha “adoración defectuosa”; ¿ante quén se persignan?.
Castro Barreiro ¡por favor! apura o Cruceiro.
Comenta:
Tes toda a razón na crítica “Terabyte”. Alá por setembro díxenlle a un amigo: “Dame a impresión de que vai chegar a noiteboa, aínda non teremos o cruceiro arranxado e, os veciños de Porto terán toda a razón par a queixarse”. Pois, desgraciadamente, vaise cumprir o que dixen.
Arranxáronse os problemas coas compañías de seguros (van a cubrir a totalidade do custo do arranxo), pero, parece ser, que se presentou con moito retraso o proxecto por parte da empresa que vai a acometer o arranxo na Dirección Xeral de Patrimonio Cultural. Eu chamei alí varias veces para activar a autorización da administración autonómica. Haberá que seguir facendo xestións na semana próxima.
Naturalmente, pídolle disculpas ós veciños na parte que me corresponde.
Deja una Respuesta
Debes estar conectad@ para enviar un comentario.
