Nota íntegra da ACP sobre a non colocación do mobiliario nas rúas centrais de Pontecesures.

O goberno anterior de Pontecesures deixou solicitada unha subvención á Consellería de Economía e Industria de 3.527 que é o 75% do subministro de bancos, xardiñeiras e papeleiras para as rúas contrais de Pontecesures (Portarraxoi, San Lois, Sagasta e Víctor García) onde se atopa fundamentalmente o comercio da vila.

Con satisfación recibimos a nova de que a subvención fora concedida e así o actual goberno adxudicou o subministro de dez bancos, once papeleiras e nove xardiñeiras por un importe total de 4.651,21 euros cantidade na que se incluía a subvención. Na Xunta de Goberno Local de 14/10/11 xustificouse a recepción do subministro, pero ata o de agora o mobiliario non está colocado nas rúas.

Non entendemos como o goberno local despois de case dous meses da chegada do material, non da as ordes para colocalo. Non sabemos a que espera.

Dende logo por moito que trate de potenciarse dende o concello a Mesa do Comercio Local, con este tipo de desidia e despreocupación por mellorar as rúas comerciais, o goberno de Pontecesures parece que persegue xustamente o contrario.

A precocupación da ACP vai en aumento en canto ao que ocorre, neste caso, nas rúas centrais do municipio. O alumeado do monumento ao Coche de Pedra sen funcionar hai días, do alumeado de Nadal nada se sabe, as obras de canalización dos gas non rematan nunca e temos unha zona estreita e valada na rúa Sagasta dende hai tempo con perigo para a circulación e agora o comentado sobre o mobiliario urbano. Vaia xeito de dinamizar o comercio local por parte da alcaldía e da concellería de obras de Ángel Souto.

Pontecesures, 10/12/11

Luis Ángel Sabariz Rolán
Concelleiro da ACP de Pontecesures

Esta entrada fue publicada en Concello y etiquetada como , , , , , . Guardar el enlace permanente. Trackbacks están cerrados, pero puede publicar un comentario.
Antes de comentar lembra as Normas de uso.
En Pontecesures.net cremos que a verdade non é propiedade de ninguén, senón que se constrúe entre todos. Por iso, tamén estamos convencidos de que a participación dos lectores e lectoras engade outro valor aos contidos. Pero este xogo ten as súas regras. O insulto, as descalificacións persoais e a linguaxe despectiva atrancan a comunicación libre. O diálogo establécese sobre as ideas, non sobre quen as emite. Por esta razón, eliminaremos os comentarios que non favorezan a liberdade e o razoábel intercambio de opinións. En beneficio da participación e do debate.

Publicar un Comentario

Tu email nunca se publicará ni se compartirá. Los campos obligatorios están marcados con un *

*
*

Puedes usar estas etiquetas y atributos HTML <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>