Concedida unha subvención para seguir contando cun axente de emprego e desenvolvemento local.

Publicado por Luis Angel Sabariz Rolán o

Para seguir contando con este posto no concello, solicituouse unha subvención á Consellería de Traballo e Benestar ao abeiro da Orde de 31 de agosto de 2009 dentro do Programa Operativo “Fomento do Emprego”.

Pois ben; no día de onte a xefa territorial da consellería en Vigo, Carmen Bianchi Valcarce, comunicounos a concesión dunha subvención de 21.562,90 euros que equivale ao 79,76% do custo laboral total deste traballador durante un ano incluida a cotización laboral á Seguridade Social.

Con satisfacción recibe a nova o goberno local, xa que a continuidade do axente de emprego e máis necesaria que nunca nestes tempos de incremento do número de desempregados e cando vai comezar un obradoiro de emprego que demanda unha atención preferente.

Pontecesures, 16/12/09
Luis Ángel Sabariz Rolán
Concelleiro de relacións institucionais


0 comentarios

Deixa unha resposta

Marcador de posición do avatar

O teu enderezo electrónico non se publicará Os campos obrigatorios están marcados con *

Este sitio usa Akismet para reducir o spam. Aprende como se procesan os datos dos teus comentarios.