Este venres o circuito Máis Escénicas de Deputación de Pontevedra leva o teatro ao Concello de Pontecesures. Represéntase a obra «O cachimóbil» de Títeres Cachirulo, no Centro Social da vila, segundo informa a Deputación.
O cachimóbil é unha barraca que leva aos monicreques a calquera recuncho da man de personaxes como o Príncipe Verdemar, Don Gaiferos ou mesmo Xela, unha nena que terá que enfrontarse ao malvado Dragón Traga-Verbas para rescatar as palabras e frases esquecidas do galego.
La Voz de Galicia
