Hoxe homenaxeamos ás campioas Nerea Novo e Candela Romero polos seus éxitos no Campionato do Mundo de Maratón en Dinamarca. As deportistas do Náutico Pontecesures foron recibidas no salón de plenos do Concello de Pontecesures pola alcaldesa María Teresa Tocino, o primeiro tenente de alcaldesa Roque Araújo Rey, o concelleiro de Educación, Deportes e Mocidade Alberto Rivas De Jesús e o presidente do Náutico Pontecesures Ángel Barreiro. A alcaldesa destacou o exemplo que son as rapazas, que demostraron que con esforzo, dedicación e sacrificio pódense acadar todas as metas. Tamén agradeceu o apoio das familias e o gran traballo que está a facer o Náutico Pontecesures, que co apoio do Concello, ofrece a centos de rapaces e rapazas do municipio e doutros limítrofes unha alternativa de ocio saudable e que fomenta valores como o traballo en equipo, o esforzo e a constancia nun tempo no que estes valores non están moito de moda. Moitas grazas a todos/as por vir, e de novo parabéns a ambas!
Vemos en primer plano a «Jaje» en una edición de la «Festa do Churro».
A los 63 años de edad, falleció el vecino de Porto, José Ángel Jamardo Doce, que estaba casado con Palmira Lafuente Llerena. El velatorio está instalado en el Tanatorio Iria Flavia de Padrón y mañana viernes, a las 11.30 horas, partirá la comitiva fúnebre hacia la Iglesia de Pontecesures donde tendrá lugar el funeral «corpore insepulto». Finalizado el acto religioso el cadáver recibirá sepultura en el Cementerio Parroquial de Santa Cristina de Campaña.
A valguesa, que milita no Náutico Pontecesures, foi recibida este martes no seu Concello
Nerea Novo, flamante campioa do mundo de maratón en categoría C1 júnior, foi recibida na mañá deste martes no Concello de Valga para recibir unha homenaxe trala xesta deportiva lograda no Campionato do Mundo disputado en Dinamarca. O alcalde, José María Bello Maneiro, e os membros do grupo de goberno Carmen Gómez, Pedro Calvo e Malena Isorna, xunto ao concelleiro do BNG Francisco Devesa felicitárona en nome de toda a Corporación e, por extensión, de todos os veciños de Valga.
A canoista de Outeiro (Cordeiro) recibiu un ramo de flores e unha placa de prata coa lenda «Nerea Novo Romero, campioa do mundo júnior feminina. 31 de agosto de 2023», un día que, en palabras do alcalde, quedará para sempre coma unha data sinalada en Valga. Agradecida e orgullosa polas homenaxes e actos de recoñecemento que se lle están a facer, Nerea tamén asinou no Libro de Ouro do Concello.
Nun salón de plenos no que se deron cita familiares, veciños e traballadores municipais, a deportista sinalou: «Estou moi contenta de estar aquí, de todo o conseguido esta temporada, pero non se acaba. Na temporada seguinte, a por máis», unhas palabras que arrancaron os aplausos de todos os presentes. O alcalde fixo fincapé na importancia do acadado por Nerea: campioa de España, subcampioa de Europa e campioa do mundo. «Parece incrible con 16 anos», recalcou Bello Maneiro. «Para Valga é un orgullo e unha honra», engadiu.
O primeiro edil tamén se referiu ao «gran traballo» que hai detrás deste campionato do mundo, que «non é froito dun día, senón dun traballo continuo» e pediu unha maior atención, tanto por parte das administracións coma dos medios de comunicación, para os deportes minoritarios coma o piragüismo.
Na véspera, tanto Nerea como a súa compañeira no Náutico Pontecesures, a padronesa Candela Romero, que rematou quinta no campionato do mundo, foron homenaxeadas polos seus compañeiros de club trala súa chegada o aeroporto de Peinador. A canoista valguesa, de 16 anos de idade, xa sabe que vai facer coa medalla de ouro: «Vouna enmarcar co dorsal e ca camiseta», asegurou.
– Representantes municipais, familiares e veciños felicitaron á piragüista valguesa trala súa fazaña en Dinamarca.
A piragüista Nerea Novo Romero, a campioa mundial de maratón na categoría C1 júnior, foi recibida esta noite no aeroporto de Vigo por unha nutrida delegación valguesa encabezada polo alcalde, José María Bello Maneiro, que a felicitou pola súa fazaña no Campionato do Mundo celebrado en Dinamarca. O rexedor trasladoulle o orgullo que nestes momento senten todos os veciños polos seus logros deportivos, que inclúen tamén o subcampionato de Europa e o campionato de España, e agradeceulle que leve o nome de Valga por todo o mundo non só presumindo das súas orixes, senón tamén impreso na pá coa que, no seu día, a agasallou o Concello e coa que compite.
Unhas setenta persoas trasladáronse a Vigo en dous autobuses fretados polo Concello e ás que, xa no aeroporto, se sumou outro grupo do Náutico de Pontecesures, club no que está enrolada Nerea Novo. En total, unhas cen persoas para recibir á campioa.
Con pancartas coas lendas “En hora boa, Nerea Novo, campioa mundial júnior feminina. Orgullosos de ti” e “Parabéns, Nerea. Campioa” agardaron a saída da xove deportista, que participou por partida dobre na cita mundialista. Acadou o ouro en categoría C1 júnior, completando o circuíto de 11’10 quilómetros, nun tempo de 1:14:52, e logrou un meritorio sétimo posto na proba de maratón curto sénior, na que competía contra rivais de superior categoría.
Emocionada polo recibimento, Nerea abrazouse a seus pais e ao seu irmán, saudou a familiares e achegados e celebrou o seu trunfo cos compañeiros de equipo, entre berros de “Campioa”, “Medalla de ouro”, “A rapaza de Outeiro chegou primeiro”. Despois recibiu os parabéns dos representantes municipais, que a agasallaron cun ramo de flores. Ademais do alcalde, acudiron o concelleiro de Deportes, Manuel Ferreiro, e os tenentes de alcalde Román Castro e Carmen Gómez. Bello Maneiro destacou o que representa para Valga o éxito deportivo de Nerea: “É a primeira vez que Valga ten unha campioa do mundo e sentimos todos unha alegría inmensa. Merecía este recibimento”, dixo para rematar cun “viva Valga e viva Nerea”. O rexedor animouna a “seguir loitando polos seus soños e para seguir colleitando trunfos” e arengou ás administracións, Xunta e Deputación, a apoiar aos deportes minoritarios e a deportistas como Nerea que, con moito poucos recursos, acadan grandes logros e poñen a Galicia no mapa mundial.
“Non esperaba este recibimento, é incrible ver a todo o mundo aquí”, exclamaba a protagonista rodeada de veciños e amigos no propio aeroporto. “Estou nunha nube, vivindo un soño. Era unha regata na que podía pasar calquera cousa, pero conseguino e estou moi contenta. Cando me ía achegando á meta non podía asimilar que ía ser campioa do mundo, pero agora xao teño máis que crido”, comentou sobre a proba na que se proclamou campioa. A piragùista de 16 anos xa sabe que vai facer coa medalla de ouro: “Vouna enmarcar co dorsal e ca camiseta” e, de cara á próxima tempada, as expectativas están por todo o alto: “Máis e mellor. Vou seguir adestrando para regresar con todo”.
A recepción oficial na Casa do Concello tivo lugar no día de onte,
O alcalde en funcións, Roque Araújo Rey, e o concelleiro de Educación, Deportes e Mocidade, Alberto Rivas de Jesús, sumáronse onte ao Náutico Pontecesures ao cálido recibimento no aeroporto. Nerea Novo foi campioa do mundo en C1 xuvenil e Candela Romero 5ª clasificada na proba do C1 xuvenil.
O alcalde en funcións, Roque Luis Araújo, e o concelleiro de Educación, Deportes e Mocidade, Alberto Rivas, recibiron na casa do Concello ao grupo Coros Danzas Sherezade (Toledo), que participou este sábado no Festideira, organizado pola AC Xarandeira en colaboración co Concello de Pontecesures.
Moitas grazas aos dous grupos pola súa magnífica actuación. Por moitos anos máis de Festideira!
