Baleiraron caixóns, remexeron nos álbums antigos, fixeron memoria para lembrar o nome dos os acompañaban naquel momento…Os veciños de Valga volveron botar a vista atrás grazas a unha nova exposición organizada polo Concello e que retoma a iniciativa de hai dous anos.
«Valga e as súas xentes», é o nome desta mostra que se inaugurou o pasado domingo e que poderá visitarse no Auditorio Municiapl de Cordeiro ata finais de xaneiro.
Son preto de 500 fotos que serven para facer un percorrido pola vida dos veciños e dos seus antergos dende principios do século XX. Hai desde imaxes en branco e negro que reflicten estampas inimaxinables a fotografías en cor das que os máis novos s poden lembrar perfectamente.
«? unha continuación de exposición que fixéramos en 2007» explica a concelleira de cultura, Maricarmen Castiñeiras.
A inauguración incluiu unha mesa redonda poderada polo humorista Paco Mi vida e na que participaron Pasarín, Moncho Pereira, José Luis Cerneira, Dolores Carril e Herminia López, que puxeron en palabras experiencias das súas vidas que poden verse nas fotografías.
DIARIO DE PONTEVEDRA, 16/12/09