Aos 79 anos de idade finou o veciño de Carreiras, José María Rodríguez Abalo que estaba casado con Gumersinda Castrelo Moreiras. O velorio está instalado no Tanatorio Iria Flavia de Padrón. O funeral terá lugar o domingo 19 de setembro, ás 18:30 horas, na Igrexa de Pontecesures. De seguido, os restos mortais recibirán sepultura no Cemiterio Municipal de Condide.
Descanse en paz.
O pasado 15 de Marzo dou inicio unha campaña de trampeo para o control da vespa velutina.
Dividido o termino municipal en 4 zonas colocáronse un total de 70 trampas distribuídas uniformemente e nos lugares axeitados para unha maior eficacia nas capturas das raíñas.
ZONA 1: Condide-Paxareira-Carreiras
ZONA 2: Toxa-Grobas-Fenteira-O Castro-San Xulián
ZONA 3: Centro da vila-Zona peirao
ZONA 4: Sur e Norte de Porto-Redondo
Na primeira recollida das trampas correspondente ao período Marzo-Abril capturáronse 280 raíñas velutinas.
Dita cifra incrementouse na segunda revisión correspondente ao período Maio-Xuño no que xa se levan capturadas 325 raíñas velutinas.
Son unhas excelentes cifras de capturas, xa que superan a día de hoxe os 600 exemplares que, doutro xeito, darían lugar a máis de 600 niños primarios no noso concello.
O número de chamadas ao concello reduciuse considerablemente este ano coa implantación de estes trampeos, aínda así, tan importante coma o trampeo primaveral é a retirada dos posibles niños que xurdan ata o mes de outubro para evitar a fin do ciclo biolóxico da especie.
Para elo lembramos que a comunicación de niños de velutina farase a través do teléfono 012 do servizo de recollida de avisos de niños de vespa velutina ou no teléfono do Concello 986-557125
Aos 92 años de idade, finou a veciña de Carreiras, Delmira Portela Pardal, viúva de Guillermo Martínez Vázquez. O velorio está instalado no Tanatorio Iria Flavia de Padrón. Hoxe sábado 27 de marzo, ás 16:30 horas, terá lugar o funeral na Igrexa de Pontecesures. Os restos mortais recibirán logo sepultura no Cemiterio Municipal de Condide.
Descanse en paz.
Co fin de efectuar os traballos de mantemento e desenvolvemento da rede eléctrica precisos para poder atender nas mellores condicións as necesidades de subministración da zona, a empresa subministradora, GRUPO NATURGY, informa que o próximo día 17 de febreiro de 2021, de 1:00 a 3:30 horas, van proceder a deixar fóra de servizo unha serie de instalacións, o cal pode provocar interrupcións na súa subministración de electricidade durante ese intervalo de tempo. En Pontecesures as zonas afectadas serán:
Hoxe sábado, 9 de xaneiro, celébrase en Carreiras a festividade da Virxe Raíña dos Anxos. A misa solemne celébrase ás 13 horas na Igrexa Parroquial de Pontecesures.
FELIZ ANIVERSARIO DO CONCELLO DE PONTECESURES!
que o día 9 de outubro cumpriu 95 anos, despois de separarse do concello irmán de Valga….Imaxe do ano 1991,realizada por Moncho Sabin,dende o monte de Lestrove….San Lois de Cesures,Portarraxoi,O Muelle,Infesta,O Castro,Condide,Carreiras,O Couto, A Toxa, A Paxareira, O Rial,Redondo,Porto de Arriba,Porto de Abaixo,A Calera….Arquivo Fundación Barrié.
